ENTELA TABAKU

ENTELA TABAKU SORMAN

KJO JETE

Kjo jete ishte e magjepsur
Shpirt
Përditë i bëj punët
Përdite
Po ato përditë zhbëhen si me magji
Serish.
Çdo mëngjes
I laj xhamat e syve të shoh qart
Po mbasditeve i mblon terri serish
I fshij pluhrat e ndjenjave t’i mbaj gjallë
Po ne mbrëmje i ka mbuluar pluhuri serish
I mbledh enët e fajeve t’u vë kapak
Por netëve marrin shtëpinë serish
Nga fillimi ia nis çdo mëngjes
Dhe unë mbeta me fshesë ne dorë
Kjo jetë ishte e magjepsur
Shpirt
Herën tjetër dua te fluturoj
Si shtrigë.

TI JE PERQAFIMI JEM  

ti je përqafimi jem
kur nata varet kindeve të fundit dhe josh
me u shtri dhe me u dorëzu

ti je buzëqeshja jeme
kur nata varet kindeve të syve dhe josh
me u lëshu dhe me u shu

ti je kanga jeme
kur nata varet kindeve të gojës dhe josh
me u platitë dhe me u humbë

ti je tana gratë që ma zbardhin agun
ti je mama dhe motra
bijat dhe shoqet

ti je dita që e mban natën në kind
ti je maji jem
Zojë!

PUTHJEN MA TE BUKUR QE ME KE DHANE

puthjen ma tё bukur qё mё ke dhanё
s’e kam marrё
ta kam lanё nё buzё
me u puthё
me puthjen ma tё bukur qё tё kam dhanё
kur tё mёrziten
mё thuej
ta marr
e po tё jap njё tjetёr
edhe ma tё bukur