TRASHEGIM

“Mbaje veten sit ë re!”

Më vështroi gjatë

e mbylli sytë përgjithëmonë

Babai…

“ kur të largohem unë,

Lulet mi rrit

Në ballkonin tënd!”

Pëshpëriti nëna.

Do të mbetem e re

Në ballkonin plot lule,

Ku mes luleve

Dy prindërit e mi.

GRUA FUSTANGJELBER

Befas

U shfaq para meje

Një grua fustangjelbër.

Dukej

Sikur me atë veshje

Kish larë çdo mëkat.

Sikur të ish

Kaq e thjeshtë,

Do të gjelbëronin garderobat.

STAMBOLL 2014

Mbi bosfor

Lundrojnë anije

Ngadalë ose me nxitim.

Disa rrinë në port

Presin, si unë

Me mendimin tim.

Pak zemër po lë këtu

Shprehur në ngjyra

E po nisem

Për në atdhe.

Një pulëbardhë

shkon tek një tjetër

ngrihen bashkë

në fluturim…

MONOPATET

Nën dritëhije

Drurësh

Duken, zhduken

Monopatet.

Cili prej tyre

Të çon

Tek dashuria?

Pyetja mbetet

“ e dehur” në brigje.

ZBARDHJE

Mendimet e turbullta

Të natës,

Zbardhen

Në agim.

Veç

Një prej tyre,

S’kthjellet dot

E le mendjen shtatzanë.

EMRI YT

I fshiva,

I fshiva të gjitha.

Mbi fletën e bardhë

Shkrova emrin tënd.

Si zog i vonuar shtegëtar

S’di ku të të bëj vend,

Përveçëse në zemren time.

TABLOJA

Dielli u zgjua edhe sot.

Pikturoi me ngjyra të arta

( si di vetëm ai)

Vjeshtën.

Kur të pikturoi edhe Ty,

Ia mora tablonë nga duart,

Ika me vrap.

Askush s’mundej

Të më kapte.