WASHINGTON D.C: Ish Sekretari i Mbrojtjes, Donald Rumsfeld është caktuar për të marrë Medaljen e Lirisë Truman-Reagan nga Fondacioni i Memorialit i viktimave të komunizmit i cili është ngritur në “zemër” të Washingtonit. Ai do të marrë këtë medalje gjatë një ceremonie, ku me këtë rast pjesmarrësit do të vendosen kurora me lule pranë Memorialit i Viktimave të KOMUNIZMIT, shumë afër Capitol Hill më 12 qershor.

Rumsfeld dhe Annette Lantos, e veja e kongresmenit Tom Latosh – Kryetaria i Fondacionit Lantos për të Drejtat e Njeriut dhe Drejtësisë, do të kryesojnë një listë të folësve përpara të ftuarve që janë nga Kongresi,por edhe nga trupi diplomatik i vendeve të huaja, akreditur në Washington në ceremoninë që organizohet për çdo vjet pranë permendores së Memorialit Viktimat e KOMUNIZMIT.

Medalja e Lirisë Truman-Reagan e cila është vendosur nga Fondacioni i Memorialit i viktimave të komunizmit, të cilën kësaj radhe e merr ish Sekretari i Mbrojtjes Donald Rumsfeld – është dhënë, më parë për individët të cilët janë dalluar në kundërshtimin që i kanë bër ata sipas mënyrës së tyre, komunizmit dhe tiranisë. Njëra prej tyre ishte Familja Lantosh përkatësisht e veja Annette, e cila e pati pranuar këtë medalje katër vejt më parë në vitin 2008. Ajo e mori medaljen e Lirisë Truman-Reagan në emër të burrit të saj, të ndjerit Kongresistë Tom Lantos. Marrësit të tjera të mëparshme të kësaj medalje prestigjoze, kan qenë edhe lideri historik polak Lech Valesa, ai çek Vaslav Havel, Elena Bonner, Papa Gjon Pali II, William F. Buckley Jr, senatorin Henry “Scoop” Xhekson, senatori i ndjerë Jesse Helms, senatori Joseph Lieberman dhe Kryetari i grupit parlamentar të pakicës në Senat, Steny Hoyer.

Tre folës të nderuar dhe personalitete që do të flasin në këtë ceremoni të përvjetëshme, mbi të keqen e komunizmit, traumat, si në kaluarën dhe tek e tashmja, e të miliona njerëzve të përvuajtur nga komunizmi janë:

Anhthu Lu, një anëtare kjo e Bordit të viktimave të komunizmit Memorial Foundation, e cila u arratis prej regjimit brutal komunist të vendit të saj, si një nga pjestaret e të ashtuquajturës ” Vietnames Boat People”. Zonja Lu do të flasi për përvojën e saj të fëmijërisë dhe të dhjetra e mijërave bashkëvujtësve të saj të cilët humbën jetën duke u përpjekur për të shpëtuar me ikjen prej vendit të tyre nëpërmjet detit me varka. Lu gjithashtu do të prezantojë një ekspozitë të veçantë në pavionet e muzeumit Memorial of Victims of Communism duke e demaskuar kështu me prova të rënda atë regjim.

Zonja Reggie Littlejohn, themeluese dhe presidente e të Drejtave të Oraganizatës së Grave “Rights Without Frontiers, ” e cila ka qenë zë i fuqishëm në bërjen të njohur në të gjithë botën – gjendjen e fundit të kinezit desident Guangcheng Chen i cili megjithse i verbër u keq trajtua nga policia kineze. Littlejohn do të flasë edhe në lidhje me luftërat e vazhdueshme kundër shtypjes komuniste në Kinë, sot pra të drejtat e njeriut atje.

Mes folësve të tjerë, special kësaj radhe është i ftuar dhe zoti Joseph DioGuardi, ish kongresisti New Yorkut, ish kandidati për në Senatin amerikan, i cili është njëkohësisht dhe Presidenti dhe themelues i Lidhjes Qytetare Shqiptaro-Amerikane, lobit të parë shqiptarë në Shtetet e Bashkuara, i cili thuhet se do të flasë rreth shqetësimeve të treçerek milion shqiptaro -amerikanëve. DioGuardi, një emër i njohur tek shqiptarët për shumë vite ka qenë zëri dhe avokati i shqiptarëve në Washington, sipas njoftimit pritet të flasë në lidhje me vuajtjet e shqiptarëve, për atë që hoqën ata gjatë një periudhës së sunduar nga një diktaturat më të egra komuniste të botës, pra për atë që hoqën shqiptarët në Shqipëri nga Enver Hoxha dhe regjimi i tij dhe për atë se çfarë kaluan shqiptarët me dekada nën sundimin brutal të regjimit sllavo – komunistë të Titos në fillim dhe më pas të kryekasapit të Ballkanit Millosheviqit, të vdekur.

Ceremonia e 12 Qershorit shënon përvjetorin e pestë të ngritjes së Memorialit të Viktimave të KOMUNIZMIT

Në njoftim thuhet se gjatë kësaj ngjarjeje në vitin e parë të inagurimit në 12 Qershor 2007, i paharushëm do të jetë kujtimi i saj – kur, i ndjeri Kongresisti Tom Lantosh, i mbijetuari i Holokaustit nga kampet e shfarrosjes në Hungari, u bashkua me Presidentin Xhorxh W. Bush dhe Kongresistin tjetër Republikanin nga Kalifornia Dana Rorabaher, dhe para një turme prej afro një mijë pjesëmarrsish mes tyre dhe trupa diplomatike e akredituar në Washington, nga vendet ish- komuniste, zbuluan së bashku Permendoren që i dedikohet Memorialit të Viktimave të KOMUNIZMIT.

Zoti Lee Edwards, që ëshjtë Kryetari i Fondacionit të Viktimave të Komunizmit, ka deklaruar se ngritja e këtij Fondacioni dhe e Permendores së Memorialit të Viktimave të KOMUNIZMIT është fruti i mbështetjes së bërë nga disa prej anëtarëve të Kongresit dhe të kontributit të disa trupave diplomatike, të ish vendeve komuniste, gjatë ceremonive të kaluara, e cila ka qenë “fenomenale”. Më shumë se dhjetra vende nga kombet dhe popujt e botës, që kanë qenë të përfaqësuar gjatë ngjarjeve të kaluara vjetore. në nderim dhe përkujtimoret që janë organizuar në 12 Qershor të më shumë se 100 milion viktimave të komunizmit, i falmnderohemi tha ai.

Në fund të njoftimit theksohet se Ambasadorët dhe diplomatët nga vendet ish-komuniste, së bashku me disa nga udhëheqësit amerikan dhe grupe të shumta përfaqësues (të arratisur) këta nga disa prej vendeve ende – komuniste si Kuba, Kina, Vietnami, Koreja e Veriut dhe Tibeti, pritet të marrin pjesë këtë vit, pra të martën në Washington në 12 Qershor 2012 .

Më tej ceket se pas ceremonisë, do të bëhet edhe hapja e ekspozitës së ardhshme virtuale Gulag-ët e cila do të jetë për Muzeun Global për Komunizmit në internet, dhe ku do të paraqitet gjatë një dreke në Fondacionin Heritage pranë Memorialit të Viktimave të KOMUNIZMIT, me anë të fotove origjinale dhe sekuencave filmike vuajtja e madhe që kaloi kjo shtresë gjatë sundimit komunistë në Europën juglindore .

Foundacioni i Memorialit të Viktimave të KOMUNIZMIT, thotë se është i përkushtuar fuqimisht për të edukuar në këtë kohë këtë brez dhe brezat e ardhshëm rreth filozofisë së keqe, të historisë dhe trashëgiminë që la regjimi i egër komunistë në botë, kudo tek këta popuj që e hoqën gjëmën e madhe që u solli komunizmi vendeve të tyre.