Ku po shkon Vatra?

UNE3

Pjetër Jaku

Një  organizate  që i njihet  fillimi dhe që bëri emër në historinë e një kombi, arsyeshëm nuk  duhet t’i  dihet fundi. Një organizate që në fillim  kishte bashkimin , sot i  prinë ndarja, përjashtimi,censurimi, mashtrimi. Një vatran që don ta dojë Vatrën në shërbim të kombit,  thotë se po ngjitet, kur në fakt po bën veç hapa mbrapa. Po të ishte për shifra, këto shifra i ka shumë here më të vogla se në vitin 1970. Po të ishte për bëma, këto bëma nuk ngjajnë aspak me bëmat e Vatres në vitin 1920. Nuk ka më 50 degë! Numri i degëve  është zvogëluar, thua se u  pakësuan shqiptarët! Pse  ikin  nacionalistët, intelektualët,  shqiptarët , dhe ata që  nuk ikin, përjashtohen prej Vatrës sot?   A  duhet të  këtë  ndonjë  kriter për të  zgjedhurit? Në  kryesitë e Vatrës  hyn kush të  dojë, pa  dashur  t’ia  dijë  askush, qoftë  edhe  për  kureshtje,   CV-në  e sotme. Ç’kanë bërë këta  të zgjedhur që të vihen në krye të bashkësisë së tyre? Ç’pritet prej këtyre,  që kurrë  nuk janë  prezantuar  me një  vepër në  shërbim  të dikujt, a  te  dickaje (veç  në  paçin ndonjë rreng  që  ua  kanë  punuar  shqiptarëve të vet. Veç  në  paçin ndonjë   dosje,  ende  të  pahapur,  a  ndonjë çështje  ende  të  pambyllur  kundër  shqiptarëve ). E  vërteta  e  secilit   dihet  e  mësohet pa  patur  nevojë  të  hapen dosjet, apo  sido  që  të  mbyllen  çështjet.  Hapja e dosjeve , do  t’i  shërbejë pasardhësve tanë, ndërsa  ne, ende na  kryen punë kujtesa dhe dëshmia e të gjallëve! Na  dëshmojnë plagët që ende nuk  janë mbyllur, ende nuk janë shëruar!

Perditë e më pak e njohin shqiptarët Vatren.  Dhe ata  që e njohin, e  njohin prej se kujtojnë Vatren para 90. Vatra i  godet  dhe  injoron  intelektualët në  radhët  e  saj,  i  eliminon  e  i  shpall  armiq, edhe  pse  fillimisht  i  ka  mashtruar  e  pranuar  në  gjirin e vet,  gati  gati   dhunshëm,  sa për  t’i  përdorur,  e  pastaj  prapë  ajo  vet,  e  prapë  me dhunë,  në  menyren  më të  ulët çnjerëzore  i  eliminon,  pa  dashur  t’ia  dijë,   të  paktën për  dëmin që po i bën  Vatra-Vatres  me  këto  veprime, aksione  e  taktika komuniste. Kujt  i  jep  llogari  Vatra  dhe në  emër  të  kujt  e  bën  Vatra këtë  “luftë” kundër  shqiptarit? Ç’është  Vatra, organizatë apo  gjykatë? Kush qenka  ky  gjykatës kaq makabër?  Kë  po  mbështet dhe kë  mishëron  Vatra me  kësi  sulmesh,  më  kësi censurimesh?  Kush  është  qëllimi  final  i Vatres?  Kujt  i  shërben mbështetja  që  i  bën  Vatra ish strukturave  të  shtetit komunist?

Nëse  nuk  qënka  Virgjil Kule  një ishbllokmen,  që  e  mbështet  Vatra me mburrje biles, për  të  cilin  kjo Vatër  mbledh  dollarë  emigrantësh t’ia shesë librat e të përpiqet   t’i sponsorizojë  përkthimin dhe  botimin  e libtrit tij edhe  këtu  në  Amerike, (një  libër që  nuk  sjell  asnjë  risi  të  re,  asnjë  zbulim  të  ri, asnjë  sekret të panjohur  rreth  Skenderbeut , përveç  përfitimit  përsonal  për  veten e tij?! Kush  atëherë  qënka  bllokmen, nëse nuk është  ky  që  mbështet Vatra.

Edhe  në  pastë  mbetur  ende  në  Vatër, ndonjë  antikomunist i  vërtetë, ndonjë  intelektual  i denjë, ndonjë  vatran,  që  ende  beson në  idealet  e  demokracise, vatranët  e  sotëm  i  tërheqin  mbas  vetes, t’a  përlyejnë  në  bashkepunimin  e  tyre me  ishbllokmenët,   të  cilët  as  nuk  heqin  dorë  prej  kauzës  së  tyre të përndjekjes, të  cilët as  nuk  pendohen  për  çfarë  ata  kanë  bërë   edhe  kundër  Vatres. Përkundrazi,  nuk  na  lënë  as  t’i  harrojmë! Madje  për  më  keq, i  kanë  vënë  syrin  e  tyre  të  madh e  kthetrat  e  tyre  të  përlyera  edhe  Vatres!

Historikisht, Vatra  ka  pasë  në  krye  të  saj përsonalitete  që  kanë  bërë  emër , qoftë  edhe  në  një  fushë  të  vetme.  Shqiptarët  e  Amerikes  ishin  ata  që  krijuan  Vatrën. Shqiptarët  e  Amerikes  kanë  prekur  planete, prej  se  ky  vend i  takon  demokracisë, prej  se  ky  vend nuk ia   mohon liritë, mundësitë dhe  të  drejtat,  të  aftit, të  diturit, të  urtit,  të  drejtit, të guximshmit!

Kujt  i  intereson  dhe  pse  të  jetë  ende në  fuqi  Nyja 9 dhe  59  i  Kanunores së Vatres,  shkruar në  vitin 1926?  Pas  90-tës  edhe  në  Shqiperi u  hoq neni 55 i Kushtetutës Komuniste, për  agjitacion e  propagandë, që  u  ksuhtoi  shtrenjte shqiptarëve që  mendonin  ndryshe, e  kërkonin  ndryshim, nga  viti 1945 deri ne 1991, duke  dënuar  pa  meshirë, nga  6  muaj (provë nëse  mund  të  të  bënte  spiun e  bashkëpunëtorë), përndryshe  të  dënonte  me  vdekje!  Kë  kërkon  të  kërcënojë  e  të  trembë  Vatra  me  këto nene,  në  këtë  shekull?

Përse  Vatra e  fsheh  listën  e  delegatëve për  në  Kuvendin Zgjedhor? E  pra,  Vatra  ka  një  gazetë mujore (Diellin), ku  mund e duhet  të  pasqyrojë me  realitet veprimtaritë  e  saj.

Edhe “Zëri i Popullit”  i  para  90-tës,  do  ta  kishte   zili “Diellin”  e  Vatres, censurën  që  ushtron  sot   kundër  lirisë  së  fjalës,  kundër  mendimit  ndryshe, teksa  mbush  deng  faqet  e saj  me  mashtrime  hiperbolike të  “sukseseve”.  Kush  është  editori  i gazetës  së  Vatres, e  cila  historikisht  ka  patur editor, një përsonalitet të  njohur  të  letrave shqipe? “Njeri i mirë”,- thonë për  editorin , dhe  kaq! E  pra, nuk  mjafton  të  jesh  vetëm  i  mirë dhe i  bindur,  për  të  qënë editor  i  një  gazete  si “Dielli” ! Aq  më  tepër  kur  asnjëri  nga  eprorët  e  editorit nuk  e  njohin gazetarinë! Të  jeshë gazetar, sidomos  editor,  së  pari  duhet  të  jeshë profesionalisht  i  aftë, kurajoz dhe  i  drejte!

Dielli është  vërtetë  Gazetë  e  Vatres, por  kurrë  nuk  mund  të  jetë  as  nuk mund  të  bëhet, qoftq edhe me një shkrim të vetëm mbështetëse e strukturave që e dënuan shtypinë e lirë, lirinë e fjalës! Në  Diellin  e  sotëm  mungon hapsira për  debat, hapsira  për  replikë (e  drejta  e  replikës  është  e  drejtë  demokratike  dhe  mbrohet  me  ligj  në  të  dyja  shtetet, Amerikë-Shqiperi)! Dielli  nuk ngurron  të  publikojë mbeshtetjen   dhe  promovimet  që  i bën  Vatra vlerave pa  vlerë  të  “veprave”  të  vonuara, të  ishëve.  Ndërkohë,  në  Dielli  nuk pasqyrohet, qoftë  edhe  një pjesë  e  atij  realiteti  makabër,  që  përjetojnë  shqiptarët  sot  në  Shqiperi, të  cilët ikin prej ishëve, që  mbështet Vatra, teksa  kërkojnë prapë  azil politik,  si  në  kohën kur  çensuronin Konicen!   Ata  që  më  zërin  dhe  figuren   e  tyre i  shpallnin  në ekranet  e  diktaturës  Vatren  dhe  vatranët armiq  të  rrezikshëm  të  komunizmit. Këta  njerëz  me  fytyrë  e  zë, madje  edhe  me  “libra” kanë  hyrë  deri në  zemër  të  Vatres dhe po  synojne të  marrin në  dorë  fatet  e  saj.

Cila  organizatë  shqiptare  në  Amerikë më  fort  se  Vatra  është  blinduar në  të  zgjedhurit si  në  byronë  politike  të  PPSH-së, ku krejt  mirë  mund  ta dish, se  kush  do  të  zgjidhet në krye të  Vatres dhe degëve edhe  pas  10  vjetëesh.

Vatra,  tashmë  është  shndërruar  në  një  Vatër  që  grumbullon  para dhe  supurton  të  “vuajturit” që  vijnë  të  na  vizitojnë  e  të  na  rrjepin direkt  nga  ishblloku,  duke  dashur  të  na  bindë se ish të përsekutuarit u  rehatuan, u  shëruan, u  shpëtuan, nuk  ka  me  azilant  politikë.   E pra,  sot  kur  ish bllokmenet  kanë  marrë  peng Shqipërinë,  këta  të  “varfërit”  që  mbështet  Vatra  i  “gjetën”  lekët  ta  blinin voten, teksa shqiptarët sot  ikin  ne kërkim  të  një  azili  politik,  si  dikur  para 90-tës. Për  Vatrën,  ikja  e  shqiptarëve,  varfëria  e  shqiptarëve,  dhe  rreziku   qe  i  kanoset demokracisë shqiptare  nuk  është asgjë. Asnjë deklaratë për eksodin më trë ri, asnjë qendrim për gjendjen ekonimike të mjeruar. Për  Vatrën, e  vetmja “ajkë” e  intiligjences kombëtare, të  vetmit  historianë  që  i  paskan  mbetur  kombit, qenkan  vetëm  ishdrejtorët  e përgjith’shëm  të  informacionit  të  dikurshëm.

Vatra  nuk  i  referohet  më  Konices dhe  krijuesve  të  saj, por  është  kthyer  t’i  referohet  fletoreve te  komunizmit, prej ku nxjerr  citate  pafund per  artikujt  “brilantë” dhe  fjalimet pompoze  që  boton  në  Dielli.

Dhe,  së  fundi,  nuk  më  ka  mbetur  tjetër  veçëse:

T’u kërkoj  ndjesë  kolosve të mëdhenj  që  krijuan  Vatrën, t’u  kërkoj  ndjesë  të  gjithë  atyre nacionalistëve që Vatra i  ka  bërë  delete  prej  listes  së  saj  të  publikuar  së  fundmi në Dielli,   të  gjithë  shqiptarëve  e  vatranëve,  që  ende  besojnë siç  edhe  unë  besoj  e  kam  shpresë  e  do të  punojë  për idealet  dhe  vlerat  e  demokracisë shqiptare, miqëve  të  sinqertë,  fëmijëve  të  mi,  gruas  time Elinda  Marku,  secilit demokrat  të vërtetë  në  Amrrikë, Atdhe  e  kudo  qoftë, secilit  antikomunist të  denjë, secilit  shqiptar  që  beson në  të  drejtat  e  barabarta,  që i  siguron  vetëm  demokratizimi  i  plotë.  Secilit  vatran  të  ndershëm, që  ende  nuk  e  di, ashtu  siç  unë   nuk  e  kam  ditur  deri  dje, se  në  Vatër  po  luhet  një  lojë e papranueshme.

Kërkoj  ndjesë   që  u  tregova  naiv  dhe shumë  më  i  duruar  se  duhej, teksa  iu  besova  gjoja  miqëve, gjoja “pishtarëve” që   hynë në  Vatër,  duke  shkelur  mbi  besimin  dhe  ndershmërinë  time,  që  gjoja  më  deshën  me  vete.  Thank  God  që  nuk  më  bënë  dot  si  veten,  as  nuk  do  të  mundin kurrë! E  pra,  me   gjithë  shpirt mendova,  se  do  të  mund  të  bëja   diçka për  të  mirën  e  shqiptarëve që vuajten  një  gjysëm  shekulli.  Të  mund  të  jepja  ndihmesen  time,  sado  modeste  pro demokracisë së re  shqiptare.  Për  ëndërren jo  të  re, por  shekullore  të  shqiptarëve ,  atë  te  bashkimit  të  trojeve.  Unë,  kurrë  nuk pranova  as  nuk  pranoj,  me  mend  në  kokë  e  me  sy  në  ballë ,  të  bashkëpunoj  me  atë  që copëtuan  Shqipërinë, burgosen  Shqipërinë, ndaluan  demokracinë  dhe,  në  vend  të  saj  instaluan  për  gjysëm shekulli  diktaturen.

Detroit, 29 Prill 2015

Leave a Reply

Your email address will not be published. Required fields are marked *