(Nëpër faqet e revistës nr.5 “Miqësia”, shqip-italisht)

Nga: Prof. Murat Gecaj

publicist e studiues-Tiranë

Ndoshta, jo të gjithë e dinë që në qytetin e Laçit-Kurbin ka disa vite që e zhvillon veprimtarinë e  saj, Shoqata e Miqësisë e Bashkëpunimit Shqipëri-Itali, me president Nikollë Lleshin. Në programin e saj, ajo ka patur e ka organizimin e veprimtarive të larmishme, me temë atdhetare e kulturore. Po kështu, me ndihmesën e anëtarëve të Shoqatës dhe miqëvë të saj, sidomos biznesmenëve të krahinës, ka pesë vjet që përgatitet e botohet, sipas rastit, revista me emrin simbolik e domethënës,  “Miqësia”, shqip-italisht.

1.

Ja, tani kemi në duar numrin 5 të kësaj reviste të ilustruar, me drejtor ing. Vlash Gegën e kryeredaktor studiuesin Vlash Predi dhe me përkthyes Ermelinda Dodën e Bersian Lleshin. Që në ballinën e saj, kuptohet se kësaj here revista i kushtohet tërësisht figurës së ndritur të Papa Klementit XI-Albani, emër që e nderon tërë Kombin Shqiptar. Për  këtë arsye, në faqet e para të revistës janë botuar shkrime nga Simpoziumi i organizuar në qytetin e Laçit, në muajin dhjetor 2014 dhe që iu kushtua pikërisht jetës dhe veprimtarisë së kurbinasit Gjon Françesk Albanit. Përmbajtjen e kësaj veprimtarie domethënëse e jep shkrimi i studiuesit Gjon Lleshi. Po kështu, janë botuar fjalët përshëndetëse nga presidenti i Shoqatës, Nikollë Lleshi dhe kryetari i Bashkisë së Laçit, Artur Bardhi. Në këtë simpozium mora pjesë dhe unë e përshëndeta për kryesinë e Shoqatës së Arsimtarëve të Shqipërisë, me detyrën shoqërore sekretar i përgjithshëm. Ndërsa, në emër të familjes së tyre përshëndeti Pashk Noka, i cili nënvizoi se Papa Klementi XI-Albani, me origjinë nga ato troje, ishte për 21 vjet radhazi në krye të Kishës Katolike, në Vatikan.

Më tej, vëmendjen e lexuesve e tërheq shkimi i prof. Engjëll Sedajt, “Papa Klemeni XI, Gjon Françesk Albani-Laçi, biri i Kurbinit”. Ai është i shoqëruar edhe me literaturën përpaktëse, pra që e dokujmenton më së miri, si prejardhjen dhe veprimatarinë e tij të çmuar për çështjen mbarëkombëtare shqiptare.

Afër katër faqe të revistës i zë shkrimi me autorë prof. Angjelin Shtjefnin e dr. Nikollë Lokën, “Papë Klementi XI-Albani dhe fillesat e nacionalizmit shqiptar”. Në vazhdim, është shkrimi i prof.Ahmet Osjes e prof.Zef Gjetës, “Papa Klementi XI (Gjon Françesku)-Albani, 1649-1721”.

Të ftuar në këtë Simpozium ishin edhe anëtarë të Shoqatës së Shkrimtarëve dhe Artistëve Shqiptarë “Papa Klementi XI-Albani”, në Suedi. Në pamundësi ardhjeje, kryetari Hysen Ibrahimi dërgoi një mesazh përshendetës, i cili botohet në faqet e kësaj reviste.

Shkrimet nga Simpoziumi, që përmendëm më lart, mbyllen me atë të autorit nga Komuna e Milotit, Beqir Ahmeti, “Vlerësimi për harmoninë fetare-Shembulli i Malit të Bardhë duhet përgjithsuar”.

2.

Një tjetër veprimtari mssive e Shoqatës së Miqësisë e Bashkëpunimit Shqipëri-Itali, ishte ajo e organizuar, po në qytetin e Laçit-Kurbin, për përurimin e veprës “ThesarKombëtar” Nr.3, nga Shoqata e Shkrimtarëve dhe Artistëve me emrin “Papa Klementi XI-Albani”, Suedi. Për këtë ngjarje kulturore flitet në shkrimin e studiuesit Vlash Prendi. Ndër të tjera, ai tregon se kishin ardhur disa anëtarë të kësaj shoqate simotër, si dhe të ftuar nga Tirana e Durrësi, Shkodra, Lezha e Mirdita, por dhe nga Mitrovica e Kosovës.

Me këtë rast, u shpallën “Anëtarë Nderi” të Shoqatës së Miqësisë e Bashkëpunimit Shqipëri-Itali dhe i morën dëshmitë përkatëse: Hysen Ibrahimi, Padre Giovani Peragine, Besi Bekteshi e Murat Gecaj. Për këtë gjë, janë publikuar edhe disa fotografi. Me shumë interes u ndoq programi arftistik, që ishte përgatitur me këtë rast, nga komisioni i folklorit të kësaj Shoqate dhe që u moderua bukur, nga Saranda Iseni e Fatmira Aliu.

Në faqet e fundit të revistës “Miqësia” është botuar shkrimi  i prof. Simon Gegës, kushtuar birit të paharruar të Kurbinit, prof..Pjetër Hidri, të cilit iu dha titulli “Qytetar Nderi” i Laçit.

Sponsorë të numrit të kësaj reviste janë: Bashkia e Laçit, me kryetar Artur Bardhin; Pjetër Nikolli, Vlash Prendi, Sandër Ndoci, Angjelin Shtjefni, Bersjan Lleshi e Mhill Noka.(Revista ‘Miqësia ka këtë e-mail: anaca_i@yahoo.com dhe cel: 00355682279697).

…Ashtu siç nënvizohet edhe në mbyllje të numrit të ri të kësaj reviste, veprimtaritë e zhviluara për nder të Papa Klementit XI-Albani, e pasuruan më tej jetën kulturore të Laçit-Kurbin. Gjithashtu, dëshmojnë për besimin dhe shpresën, që ato do të vazhdojnë, të tilla edhe në të ardhmen.

Tiranë, 24 prill 2015