Në Sallën e Qendres së Shën Palit, me 13 Korrik 2012, Revista “ Kuvendi” organizoi një mbrëmje festive me  stafin dhe disa nga miqtë e saj që e kanë përkrahur. Darka dhe gjithë shpenzimet u sponsorizua nga Qendra e Shën Palit, e cila dhe ne raste të tjera ka ndihmuar.

Fjalën përshëndetëse të kësaj  darke e mbajti  botuesi i saj, Pjetër Jaku, i cili falnderoi pjesëmarrësit, duke theksuar mungesën për disa nga pjesëtarët e stafit që për shkak të largësisë ose ndonjë impenjimi tjetër e paten të pamundur. “ Në afro 24 mijë faqet e  “ Kuvendit”, – theksoi z. Jaku,- kanë dhënë mendimet e tyre gjithë ata që kanë trokitur te “ Kuvendi”, jo vetëm nga diaspora e këtushme, por edhe nga atdheu, duke përfshirë gjitha trojet shqiptare. “ Kuvendi” ka qënë dhe është i hapur për këdo, që ka pasur për të thënë diçka, duke ruajtur lirinë e mendimit dhe të shprehjes brenda caqeve etike, pa cënuar dinjitetin dhe përsonalitetin e askujt. Aty kanë publikuar krijimtarinë e tyre gjithë krijuesit, sidomos ata që jetojnë e punojnë në emigrim, e veçanërisht këtu në Amerikë.” Më pas Don Fran Kola përshëndeti të pranishmit duke analizuar fjalën “ Kuvend” nga fjalori i gjuhës shqipe, përshtatur me kohën që jetojmë dhe të qëlluarit e kësaj fjale në të mirë të aktiviteteve tona larg atdheut. Ai falnderoi punën  e kësaj reviste dhe përpjekjet për ta mbajtur në nivel, duke i përfshirë të gjithë për të gjetur veten, ku secili ta ketë mundësinë e shprehjes dhe të dhënjes së mendimit të tij në të mirë të shoqërisë. Kjo mbrëmje festive bëhët në koloritin festiv 100 vjetorit të Pavarësisë, ku frymën e këtij Jubilue po e lexojmë në çdo numër të kësaj reviste, që disa muaj më parë.

Editori i Revistës “ Kuvendi”, poeti Alfons Grishaj theksoi rëndësinë që ka “ Kuvendi” në jetën kulturore të emigrantëve, por edhe ndihmës që i duhet dhënë këtij botimi, i cili më vështirësi mbahet, duke dalë rregullisht dhe duke u pasuruar vazhdimisht me rubrika të reja.

Fejzulla Abdullai, Luigj Gjokaj, Ndua Gjekaj, Mark Prela Gjokaj, Kujtim Qafa,  Nevrus Nazarko, Nikollë Vneshtaj dhe Mark Gjokaj  përshëndeten  takimin duke theksuar nevojën e pasqyrimit realisht të jetës  së komunitetit, por edhe publikimit të paanshëm të problemeve tona, duke ruajtur sa të jetë e mundur përsonalitetin e secilit, ashtu siç  ka vepruar deri tani.

Atasheu ushtarak në Ambasaden Shqiptare në Amerikë, z. Everest Haxhi, i cili mbrriti pak me vonesë, përshendeti të pranishmit duke theksuar rëndësinë institucionale të çdo veprimtarie. Revista “ Kuvendi”,- vijoi folësi është një shëmbull i mire, se si një përson me një staf professional dhe miqësh ta mbaj pa ndërpreë për 11 vjet një revistë si kjo, e cila ambasadës tonë i vjen rregullisht.

Artisti i fjalës, Ndue Gjekaj solli për të pranishmit një poezi të  Artistit të Merituar Sali Mani, libri i të cilit do promovohej një ditë më pas, titulluar “ Mbrapa lashë kangët e mia” dhe botuar nga  Shoqëria Botuese “ Kuvendi”.

P.J.

Foto nga aktiviteti: