Doktor Danja,
në këto ditë festash vëzhgoi nga afër veprimtaritë e organizuara nga shqiptarët
që jetojnë e punojnë në Amerikë. Ato, u bënë mësëshumëti në Detroit, në dy
kishat shqiptare, në Imperial House dhe në ndonjë qendër tjetër, ku nuk munguan
fjalimxhinjët e importuar nga Atëdheu, këngëtarët
dhe artistët, për t’i shtuar të ardhurat e tyre, normalisht edhe organiozatorëve.
Ajo që të bie
në sy dhe të godet në tru është titulli megalloman
i gazetës së Vatrës:
“SHQIPTARËT E AMERIKËS NËN UDHËHEQJEN E VATRËS
FESTUAN 109 VJETORIN E PAVARËSISË DHE FESTËN E FLAMURIT KOMBËTAR”
Një ta
lexuar këtë titull, të vinë në mendje titujt e gazetave të regjimit të qoftëlargut,
ku në çdo shkrim duhej përmendur “Udhëheqja e Partisë”, kështuqë edhe në këtë
rast Udhëheqja e Partisë Vatra, duhet theksuar. Por, veç kësaj, sipas titullit
lexuesi mendon dy festa, kur Flamuri dhe Pavarësia janë NJE!
Vatra,
Partia e përhershme e dy krenave, një me Mbretin e një kundër Mbretit, vazhdon
në “madhështinë” e saj, tuj gënjy veten se ka rolin udhëheqës tek shqiptarët e
Amerikës, kur në fakt, sa të mbledhurit e asaj nate, nuk i ka anëtarë! Vazhdimi
i këtij njoftimi të hiperbolizuar, bie në sy, që në fjalinë e parë të këtij njoftimi:
“Patriotët shqiptarë nga të gjitha shtetet e
Amerikës, nën udhëheqjen e Vatrës u mblodhën në New York dhe festuan 109
vjetorin e Pavarësisë së Shqipërisë dhe Festën e Flamurit Kombëtar.” Thua të jetë e vërtetë se vetëm 500 patriotë shqiptarë
paska në Amerikë? Kush i vlerëson Patriotët? Vatra!!!!
Të vijosh më poshtë, do të shohësh se asnjë përsonalitet
kulturor a politik nga Shqipëria, nuk ishte në atë takim, të len shijen e përkujtimit
të këtij përvjetori nga një organizatë Kosovare, më shumë se gjithëshqiptare,
siç pretendohet!
