Gjovalin Lumaj

 

Eshtë afërsisht gjysë – Qershori.

Disa gjysë-organizime, gjysë-përkujtime,

gjysë-takime, gjysë-mirëkuptime,

më tërhoqen gjysën e vëmendjes.

Megjithëse me gjysë-forcen që kam,

më duhet të vazhdoj gjysë-punën,

për të përballuar gjysën e kërkesave.

Në këtë gjysë-pushim

me nxiten gjysë- mendimet, për këtë gjysë-shkrim.

Shikova një gjysë-kronike nga një TV gjysë i pavarun,

për gjysë-mitingun e organizuar,

për gjysë-nderimin e Lidhjes Shqiptare të Prizrenit,

në jubileun e trembëdhjetë dekadave e gjysë..!

U priten me gjysë-duartrokitje,

gjysë-fjalimet e burrave që

përfaqsonin nji gjysë e pak.

U dhanë gjysë-vlerësime për Kuvendin Historik

dhe u fol ma shumë për gjysë-sukseset,

për gjysë-vullnetin dhe gjysë-besën e shpresen,

për bashkimin e kombit nëpërmjet gjysë- integrimit.

Nuk moren pjesë ata që përfaqsojnë ma pak se gjysën.

Ata duket se ishin të ngarkuar me gjysë-probleme te tjera,

për të formuluar ndonjë gjysë-deklarate, për gjysë-qendrimin e tyne,

si gjysë-lepuj!

Nuk moren pjesë as ata që përfaqsojnë gjysë-unitetin,

gjysë-presidentet me gjysë-thasët e tyne, me gjysë-dekorata,

me gjysë-motivacionesh.

Në gjysën e dytë të po asaj dite,

në Tiranë u ba nji gjysë-mbledhje,

me gjysë-deshiren për gjysë-konsensus,

por ata që ishin ma shumë se gjysa

banë nji gjysë- propozimi, per gjysë-kandidatin me gjys-lykë,

i cili zgjati një gjysë nate, bani nji gjysë-deklarate,

për gjysë-tërheqjen e tij.

U detyruan për të mos djegur gjysë-raundet e tjera,

pak ma shumë se gjysa propozoj gjysë- presidentin,

nje gjysë- politikan e gjysë- ushtarak

me gjysë- shëndeti.

Fitorja e tij u prit me gjysë- duartrokitje!

Mediat gjysë të pavaruna, u mbushen me gjysë-lajme.

Gjysë gazetarë e gjysë-opinionistë si gjithnjë

vazhduan gjysë-analizat me gjysë- seriozitetin

dhe gjysë- banalitetin e tyne.

U fol për gjysë-suksesin në gjysë-reformat,

me gjysë-siguri se në gjysën e muajit Tetor

do të plotësohen gjysë-detyrat e shpisë,

dhe për gjysë-fitore të tjera të gjysës

së dytë të këtij viti.

Në gjysën e muajit Maj pati edhe nje gjysë-feste

te gjysë- njeriut, i cili nuk ka nevojë për gjysë-gratë,

mbasi ka të drejten si gjysë-mashkull,

të kënaqet me gjysen e mbrapme të turpit.

Të gjitha gjysë- zhvillimet ndiqen me gjysë- interes

nga gjysë-miqtë tanë ndërkombëtar,

me gjysë-qendrime, tue nda fajin gjysë për gjysë,

e tue lanë hapun gjitmonë gjysë-paqen e gjysë-sherrin.

Po vazhdojnë gjysë-përgaditjet për gjysë- pavarsinë.

Po ngrihen gjysë- monumente me gjysë-kuptimi

nga gjysë-abstraksionet e gjysë- arkitekteve.

Po ftohen gjysë përsonalitete për gjysë-respekti e gjysë-interesi.

Edhe pushtuesit quhen gjysë-pushtues e gjysë-vllazen

gjysë-turqë e gjysë-shqiptarë,

sepse keshtu u prezantuam shpesh edhe ma parë,

si gjysë-rusë, gjysë-kinezë

me gjysë-lidhjet për gjysë-ideale si gjysë-servile.

Po përgaditet gjysë-sofra për gjysë festen,

ku me gjysë-goten do të çohet gjysë-dollia,

për gjysë-pavarsinë, për flamurin gjysa kuq e gjysa zi,

të cilin nuk kanë asnjë gjysë të drejte t’a mbajnë gjysa e shqiptarëve.

I veçantë do të jetë gjysë-fjalimi, i cili me siguri do të ketë gjysë-mburrje,

gjysë-akuza e gjysë-vlerësime.

Se  patëm një hero i cili prej disa gjysë-historianësh,

gjysë-analistësh gjysë-shqiptarë,

vlerësohet si gjysë-hero e gjysë- tradhëtar,

gjysë-real e gjysë-mit.

Se mbetëm të pushtuar një gjysë-mijëvjeçari,

ku pushtuesit paskan kenë gjysë-të mirë e gjysë të këqinj

mbasi na lanë gjysë-gjallë.

Se patem nji gjysë-mbretërie,

se u ba nji gjysë-revolucioni gjysë -demokratik,

u ngrit një gjysë qeverie, e cila zgjati nji gjysëm viti.

Se u ndamë gjysë për gjysë

në gjysën e dytë të luftës së dytë botërore,

ku më shumë se ndaj armikut të përbashkët,

njëra gjysë ishte kundër gjysmës tjetër,

pa e kursyer “gjysmën e lekut”

Se jetuam një gjysëm shekulli, në gjysë-jetën me gjysë-shpresen,

për të parë gjysë-driten në gjysë-rrugen e projektuar

nga gjysë- projektuesit pa sy.

Se me barkun gjysë-bosh, me gjysë-zanin e lodhun,

me gjysë-forcen vazhduam gjysë-brohoritjet për jetën

si gjysë-njerëz.

Se bëmë nji gjysë-përmbysje të sistemit,

fituam gjysë- demokracinë,

ngritem gjysë-institucione, të cilat mbajnë gjysë-qendrime,

japin gjysë drejtësie, duke marrë gjysë-vendime

te influencuara nga pesha e plotë e lekut.

Se kemi një gjysë diplomacie në rruget gjysë-të qarta,

gjysë-oreintale e gjysë oksidentale.

Se po flasim një gjuhë gjysmake të përzier me gjysë-huat

e importuara nga gjysa e botes.

Se, për të gjitha gjysë-fitoret, këndojmë gjysë-kangë,

me gjysë muziken e kopjuar.

Këtu mbarojnë gjysë-mendimet e mia,

të gjysë dites së sotme, gjysa shi e gjysa diell,

me shpresen se koha po na mëson,  të bëhemi nxënës të saj

për të hequr dorë nga gjysmakëria,

e gjysmës së pafaj!

 

Korrik, 2012 ( e ripunuar )