Besa Hoxha – Beqiri vjen per here te pare per lexuesit e Revistes ” Kuvendi” me nje cikel poetik, por biografia e saj krijuese eshte shume me teper. Ja shkurtimisht disa te dhena:
- “Një histori letërsie e ndaluar: Si u ripërjashtuan Fishta, Konica dhe Skiroi nga “Historia e letërsisë shqipe” – SHB “Naimi”, Tiranë 2016
- Përmbledhje poetike “Eshtrat e ringjalljes”, Prishtinë 2005
- Studim historiko-letrar dhe krahasues “Një histori letërsie e ndaluar”, Tiranë, 2016
- Kumtesa dhe punime shkencore
- Një histori letërsie e pabotuar (Konferenca e organizuar nga Universiteti “Ukshin Hoti” – Prizren)
- Një dritare në revistën “Shejzat” për letërsinë e realizmit socialist (Konferenca e Institutit Albanologjikë – Prishtinë)
- The Albanian Literature in internet (Konferenca ICRAE 2014 – Shkodër)
- “Literatura shqipe” e Justin Rrotës (Revista “Malësia”)
- Elementet krijuese dhe kritika e Martin Camajt në revistën “Shêjzat” (“Gjurmime Albanologjike – në botim)
- Censorship and self censorship reflected into the History of Albanian Literature (Journal of Modern Education Review, SHBA, në botim)
Heshtja
(Ti) hesht
Bota rrotullohet
Fjala verbohet
Ëndrra shuhet
(Unë) hesht
E bardha nxihet
Shuaj etjen me fjalë
Vras dëshirën me heshtje
Përsëri …
Flaka e jetës
Gllabëron unin
Heshtje apo dëshirë!?
Kur e tashmja përqesh të djeshmen
E nesërmja do të përbuz të sotmen
Protagonistët ndryshojnë rolet
Ndryshojnë pezmin në përkrahje
E përkrahjen në pezëm vullkanik
(Ai) hesht
Jeta me hapa të shurdhër
Zhduket në pakthim
Biri pështynë të atin në fytyrë
Heshtim …
26.11.2
Ringjallja
Shuaj etjen me njomësinë e buzëve
Të jetës a vdekjes …
Në udhëkryq drejt së panjohurës
Prish busullën me frymëmarrjen e vështërsuar.
Vdekja luan lojë që nuk e fiton
Optimizmi është më i madh se zhgënjimi
Hapëroj përpara me guxim
Drejt shkallëve të qëllimeve
Më e fortë se kurrë.
Dhimbja forcon guximin
Ringjallja hap niansat shumëngjyrëshe të mundësive
Fillimi i magjisë apo…
Ëndrrat e qeta
i takoi ujëvara e çmendur
Buzëqeshjet mbetën të ngrira në pasqyrë
Cepat e kullës së shpresës
u rrënuan në cepat e ditëve pasuese
Nata kishte mbetur e shurdhët
U hap perdja
në binën e teatrit jetësor
Në dërrasat e kalbura nga mërzia
unë përballë botës përrallore.
Zëri histerik prishi magjinë e çastit
Kthimi i jetës
Bota fitoi kuptimin
Kur vaji kaploi zbrazëtirën.
Buzëqeshja shpërndau dhembjen.
Hapat e pasigurt
Ndërtuan fortësinë e qëndresës.
Përqafimi fëmijëror
Rrënoj Kalin e Trojës.
Lumi fitoj kthjelltësinë e rrjedhës.
Nisma
Çdo gjë lundronte në lumin pa brenga
Jeta – lojë e larmishme, pa vizion
vorbull e errët e së nesërmes
U rrita me rritjen e popullit
Keqtrajtimi e jeta me frikë
i afroheshin fundit
E nesërmja ishte e turbullt
Njerëzit vdisnin çdo sekondë nga pasiguria
Vdekja – …. e pastër
Udhëkryqi mes dy realiteteve
Mes dy dimensioneve kohore
Ëndrra përshëndet përjetësinë
E vërteta në mes
