Këto ditë doli në dritë botimi më i ri i Mr.sc.Nue Oroshit me titull Shqipëria etnike është një realitet dhe jo ëndër romantike”me banim në Kiel të Gjermanisë dhe i shtypur nga shtëpia botuese “Lumbardhi”-Prizren.Studimi i lartëpërmendur ka recenzent Dr.sc.Ermelinda Kashah,dhe Mr.sc.Rezehana Hysa,redaktor përgjegjës, Dr.sc.Besim Morina,lektore Mr.sc.Kristina Oroshi dhe dizajn dhe grafikë MA,Adil Beqaj.
Studimi me titull:”Shqipëria etnike është një realitet dhe jo ëndër romantike”është vepër shumë e spikatur për kohën sepse në të pasqyrohet realiteti historik,politik dhe shoqëror i shqiptarëve në trojet e tyre arbërore në periudha të ndryshme kohore, ku autori Mr.Nue Oroshi më së miri i ka jetësuara në tri pjesë të rëndësishme të këtij botimi.
Pjesën e parë të librit:”Ese politike”,autori Nue Oroshi,e fillon me bisedën imagjinare të tij me heroin tonë kombëtar Gjergj Katriot-Skënderbeu,në të cilën ai i tregon Skënderbeut se si është katandisur atdheu duke përfshirë këtu tradhëtinë e politikanëve tanë dhe lidhjen e tyre të gabuar me Rusinë dhe Azinë ,ku si rezultat i së cilës një pjesë e konsiderueshme e trojeve etnike shqiptare ende qëndrojnë në shtetet fqinje me të si në Sërbi,Mal të Zi,Maqedoni,Greqi.Po në këtë bisedë të ashtuquajtur imagjinare autori jep mendime ,se cila është rruga e duhur që duhet të ndjekin politikanët aktual për kthimin e trojeve të tyre etnike në shtetin Amë( ashtu siç bëri që moti Skënderbeu)si dhe strategjitë që duhet ti përdorin ata për inkuadrimin e shqiptarëve në familjen e madhe europiane.Po në këtë pjesë autori jep detaje për qëndresën heroike, historikisht, të djemve dhe vajzave shqiptare karshi pushtuesve të huaj. Autori Nue Oroshi duke qenë në cilësinë e deputetit të parë shqiptar në Gjermani në Asamblenë Komunale të Kiel-it(qytet me 250.000 banorë) në periudhën 2013-2018 si pjesë e CDU-së e kryesuar nga zonja e hekurt e Europës Angela Merkel për rreth 14 vite dhe njohës i mirë i politikës dhe diplomacisë europiane dhe jo vetëm, i kritikon politikanët shqiptarë për politikbërjen e gabuar të tyre që sa herë çështja shqiptare futet në rrugë të mbarë dhe në drejtimin e duhur,ata orientohen drejt drejtimit pansllavist-aziatik ashtu siç shprehet ai,ku si rezultat i orientimit të gabuar një pjesë e konsiderueshme e tokave shqiptare arbërore ende janë jashtë kufijve administrativ të Shqipërisë londineze.Andaj ai bën apel për largimin e kësaj klase politike shqiptare prej skenës politike dhe zëvendësimin e tyre me politikan atdhetar të sprovuar të çështjes kombëtare shqiptare që do ta çojnë Atdheun drejt rrugës së duhur.Ai po ashtu në këtë pjesë shpreh indinjatën e thellë për largimin e rinisë shqiptare si pjesa më vitale e shoqërisë dhe e kombit shqiptar në përgjithësi nga trojet e tyre shekullore drejt rrugëve të Europës dhe Amerikës të zhgjënjyer nga politikanët të korruptuar, të pa përgaditur dhe pa sens në politikbërjen e tyre.
Në pjesën e dytë “Përplasje me politikën”,ai e fillon me utopizmin e disa komunistëve dhe ish bashkëpunëtorë të sigurimit të shtetit që shpalljen e Pavarësisë së Kosovës e shihnin si utopi dhe të pamundur.I njëjti skepticizëm por tani më nga neokomunistët dhe fëmjët e ish baskëpunëtorëve të shërbimit sekret, që sot ushtrojnë detyra të ndryshme në Shqipëri e Kosovë, madje disa prej tyre janë të inkuadruar edhe në politikë, bashkimin e trojeve shqiptare në një shtet të fortë shqiptar poashtu e shohin si utopi dhe të pamundur .Autori po në këtë pjesë flet edhe për trinominë bastarde të politikanëve shqiptar me mendësi komuniste dhe orientim lindor që shumë herë për të fituar poena politike e përdorin vend e pa vend gjakun e dëshmorëve,ndërsa për synimet e tyre financiare bëhen vazal të politikave ruse dhe vehabiste që synojnë ftohjen e Shqipërisë dhe Kosovës nga Europa dhe Amerika .Sipas autorit ka ardhur koha që dy kuvendet ligjëvënëse ai i Shqipërisë dhe ai i Kosovës të dalin me një Rezolutë të re duke e shfuqizuar me automatizëm Rezolutën 1244 dhe kështu me një mbledhje të përbashkët parlamentare dhe në mënyrë solemne të bëhet bashkimi i Kosovës me Shqipërinë,por për këtë gjë duhet vullneti i dy qeverive shqiptare.Ai njëkohësisht i bën apel politikës shqiptare në përgjithësi dhe asaj kosovare në veçanti që të hartojnë një platformë të përbashkët (mazhoranc dhe opozitë) sa i përket bisedimeve me Sërbinë për të qenë kompakt ndaj synimeve të tyre.Sipas tij tri janë viruset historike që e kanosin shqiptarizmin e ata janë :Sërbia ,Rusia dhe Turqia.Ai madje i referohet diplomacisë ndërkombëtare ku vë në pah se Sërbia e mbështetur nga Rusia ka përdorur dhe po përdor forma dhe metoda nga më të ndryshmet duke përfshirë këtu edhe ndasitë fetare dhe politike për ta destabilizuar faktorin politik shqiptar dhe për ta arritur qëllimin antikombëtar shqiptar.
Duke pasur politikan jo të mirëfilltë,të korruptuar që pasurohen për një kohë të shkurtër dhe se politikën e shohin si art për ti realizuar qëllimet e veta financiare,të pa aftë për të qeverisur vendin sepse nuk posedojnë aftësi dhe beligraund të mirëfilltë politik dhe ekonomik dhe madje nuk kanë koncept dhe as projekt të duhur për ta menaxhuar shtetin dhe për ta ecur përpara çështjen shqiptare, për faktin se shumica e politikanëve ndryshe flasin dhe ndryshe veprojnë e ka zbehur deri diku projektin madhor për Shqipëri Etnike,e cila është dëshirë e çdo shqiptari.Si rezultat i kësaj paaftësie të politikanëve shqiptarë në një farë mënyre i ka hapur rrugë lobimit të lobit sërb kundër shqiptarëve në kancelaritë diplomatike të Europës dhe Amerikës që fatkeqësisht synojnë ta zbehin projektin madhor për Shqipëri Etnike.Andaj ai u bën thirje lobit shqiptar të Amerikës që të mobilizohen dhe të angazhohen fuqishëm tek Administrata amerike e në veçanti tek kryetari i SHBA-ve Donald Tramp që ta përkrah më tepër çështjen shqiptare në përgjithësi dhe atë kosovare në veçanti me qëllim që projekti madhor për Shqipëri Etnike të bëhet realitet sa më parë që të jetë e mundur.Po në këtë pjesë ai shpreh shqetësimin e tij për neglizhencën e autoriteteve kosovare të cilët lejojnë vizitën e zyrtarëve sërb në viset me shumicë sërbe në Kosovë dhe deklarimin e tyre se Kosova është Sërbi.Ndërkaq për ndarjen e Mitrovicës në dy pjesë dhe zgjidhjen e kësaj çështjeje përmend propozimin e mikut të shqiptarëve ish presidentin kroat Stjepan Mesiq, i cili thotë:” që shqiptarët duhet të veprojnë me veriun e Kosovës ashtu siç kishin vepruar kroatët më parë me Kninin”.
Për ti realizuar synimet e tyre kombëtare ai propozon themelimin e një “Beslidhjeje shqiptare” sikur ajo “kastriotike” që duhet ndjekur shqiptarët për realizimin e synimeve të tyre kombëtare.Madje kjo beslidhje duhet të lidhet me botën perëndimore në përgjithësi, e në veçanti me politikën gjermane sepse nëse nuk bëhet një gjë e tillë atëherë viset shqiptare shumë shpejt do të mbetet pa përkrahjen ndërkombëtare.
Në pjesën e tretë të librit”Kujtesë për historinë”autori Nue Oroshi bën një pasqyrë bukur të mirë dhe me fakte konkrete, elaboron dhe ndriçon fatin e shumë figurave tona historike, të cilët kanë qenë martirë të sistemit komunist në Shqipëri,Kosovë dhe trojet shqiptare si dhe bën një pasqyrë bukur të mirë të heronjve më të spikatur të Luftës dhe Ushtrisë çlimtare të Kosovës- UçK-së,si Adem e Hamz Jashari dhe rezistencën e familjes Jashari në vitin 1999, e cila u sakrifkua për tokën Arbërore duke u bërë shembull frymëzimi dhe trimërie për shumë gjenerata në të ardhmen se si duhet mbrojtur atdheu.Poashtu ai tregon edhe për qëndresën e komandatit të UçK-së Sali Çekaj,për të cilin nuk çonte peshë orjentimi ideologjik por vetëm ai kombëtar.Ai gjithashtu jep detaje për veprën kuptimplote të Anton çetës, i cili në prag te qëndresës së madhe shqiptare në vitet 1998-99 bëri pajtimin kombëtar të shqiptarëve në të gjitha trevat shqiptare dhe njëkohësisht autori shpreh indinjatën e thellë për mos vënien të bustit të tij para Institutit Albanologjik në Prishtinë dhe mos vënien e emrit të Institutit po me të njëjtin emër. Po në këtë kapitull jep detaje edhe për vrasjen në pa besi të kolonelit Ahmet Krasniqi,nga dora gjakatare e Udbës jugosllave.Ndërkaq ai tregon edhe për rënien heroike të Kolë Mirditës, i cili ra heroikisht në moshën 22 vjeçare për lirinë e Kosovës si dhe rezistencën e disa figurave të tjera të persekutuar prej sistemit komunist si Ibrahim Metaj Emin Fazlija etj.
Masakra e Tivarit si platformë e përbashkët e komunistëve pansllavist serbo-malazezo-shqiptarë që konsiderohet se është njëra ndër masakrat më të mëdha nga forcat serbo-malazeze për zhdukjen dhe vrasjen e shqiptarëve atdhetarë në mënyrë që Kosova dhe viset e tjera etnike shqiptare të rikthehen sërish nën pushtimin e sërbosllavisë me emrin artificial Jugosllavi, është një tjetër segment që ndalet autori në kuadër të këtij studimi.
Andaj duke u nisur nga këto fakte studimi :”Shqipëria etnike është një realitet dhe jo ëndër romantike” është vepër mjaft kuptimplote që politikanët shqiptarë në shumë raste duhet ta shfrytëzojnë si udhërëfyes për ti arritur synimet kombëtare ndërsa rinia shqiptare të njihet me realitetin historik dhe shoqëror të të parëve të tyre dhe politbërjen e politikanëve shqiptarë që po i udhëheqin trojet arbërore.
Mr.sc.Rezehana Hysa
