Fatime Kalimashi është femra kosovare, që sipas psikologjisë së vendit prej nga vjen, nuk duhej të shkruante, aq më shumë të këndonte, sidomos kur qe martuar. Por, ajo nuk mund të jetonte në robëri, kur i kishte mundësitë e lirisë. Jeton e punon prej vitesh në Morges të Zvicres, mes shumë shqiptarëve të emigruar nga atdheu. Në disa vargje të saj, e thotë tepër qartë biografinë e vet:
“Unë s’jam e kompletuar/ As në llafe as në të shkruar
Më pëlqen shumë thjeshtësia/Aty fshehur struket bukuria
Unë s’jam e komplikuar/Asgjë s’më ikën pa e kuptuar
Unë lexoj vetëm në sy/E dëgjoj zërin nga zemra
Dhe vendos çka më thotë mendja”
Ka një sinqeritet të lindur që e kultivon me seriozitetin krijues. Shpesh vargjet e saj predikojnë moral, por ajo është qëllimi që Fatimja i ka vënë vetes, të thotë diçka, ta dëgjoj dikush dhe të mësoj ndonjë
. Ajo shkruan dhe këndon, duke marrë disa çmime në interpretime. Tema e mërgimit zë vendin kryesor në poezinë e saj , por edhe në interpretimin si këngëtare e valltare, tashmë e njohur. Revista Kuvendi i publikon për herë të parë këtë cikel, duke i uruar krijimtari të mbarë Fatime Kalimashit!
FATIME KALIMASHI
