NJOFTIM: Siç mund të lexoni më poshtë, organizata Pan-Shqiptare Vatra do të mbajë një konferencë shkencore mbi veprimtarinë patriotike 100-vjeçare të saj, një ditë para se të mbahet darka madhështore gala në një prej hoteleve luksoze të Nju Jorkut. Po e ndajë këtë lajm me miqët, kolegët dhe kontaktet e mia të rregullta personale dhe profesionale, me shpresë botimi — pasi drejtuesit e Vatrës më nderuan duke më kërkuar që të drejtoj këtë konferencë historikisht e rëndësishme të Vatrës në këtë jubile të themelimit të saj dhe në 100-vjetorin e pavarësisë së Shqipërisë. Shpresoj gjithashtu që me ata që jetojnë afër Nju Jorku me rrethe, të shihemi në konferencën e 28 prillit dhe në darkën gala ditën e nesërme me 29 prill.
U falenderoj për respektin, miqësisht
Frank Shkreli
KONFERENCË SHKENCORE-“VATRA”- 100 VJET NË SHËRBIM TË KOMBIT
|
Komisioni themelues i Vatres KONFERENCË SHKENCORE PËR 100 VJETORIN E FEDERATËS ”VATRA” Njoftohet komuniteti shqiptar se me rastin e 100 vjetorit të themelimit të Federatës Panshqiptare të Amerikës”VATRA”, të shtunën me 28 prill 2012 do të mbahet Konferenca Shkencore “Federata Pan-shqiptare e Amerikës ”VATRA, 100 Vjetë në shërbim të Kombit”. Në konferencë do të mbajnë kumtesa studies të njohur të botës akademike shqiptare:
Prof. dr. Nicholas Pano Prof. dr. Beqir Meta Prof. dr. Jusuf Bajraktari Prof. dr. Fehari Ramadani Dr. Elez Biberaj
Anton Cefa
Mal Berisha.
Bejtullah Destani
Idriz Lamaj
Dalip Greca
Ilir Ikonomi
Naum Prifti
Agron Alibali
Sevdai Kastrati
Konferenca Shkencore do të fillojë në orën 9 të mëngjesit dhe do të mbahet në një nga hotelet e njohura në Manhattan, “The Helmsley Park Lane Hotel”, që ndodhet në adresën: 36 Central Park South, New York, NY 10019. Tel: (212) 521-6640 Do të ketë edhe një Kokteil Hyrja është e lirë. |
