Pal Rakaj

 

Flamurit

 

Ti flamur je zemra e kombit

Me shqiponjen dykrenare

Qysh në kohë të Kastriotit

Pasqyron vlerat kombëtare.

 

Me pushtimin otoman

Pesë shekuj pa t’pa me sy

Por shqiptari ma s’duron

Pa u krenua prap me ty!

 

T’gjithë malsorët kanë lidh besë

Me hy n’luftë me turq t’Stambollit

Asnji i gjallë sikur t’mos mbesë

Do t’i shporrim prej k’tij trollit.

 

Në ballë të frontit Dedë Gjo Luli

Në Deçiq ngjitet përpjetë

Bash në majë flamurin nguli

T’valvitet i lirë përjetë!

 

S’bajnë efekt gjithë kjo ushtri,

S’bajnë efekt topat e mretit

Kur e jep besën malsori

Për trimni ia ka lanë vetit.

 

Kurr ma i ulur s’ke me mbet

Besa-besë lidh dora –dorës

Me njëmijë nantqind dymdhet

E ngriti dhe plaku i Vlores.

 

Me regjimin komunist

Ktij simboli iu ba shtesë

(Iu vu ylli partizan)

Ne ua dimë për falemner’s

Që s’vunë drapen e çekan!

 

Komunizmit i erdh fundi,

Tash u ba  që s’ka ma mirë

Siç ka kenë gjithëmonë Flamuri

Do valëvitet veç i lirë.

 

Ti Flamur që sot je i lirë

Dhe krenar je në çdo prag

Le ta dij gjithëkush fort mirë

Se sa herë je la me gjak!

 

Kje gjithëmonë simbol për trollin

Kangë trimnie për folklorin

Gja ma t’madhe s’ka për burrin

Ne’j dorë pushkën, n’tjetren Flamurin!

 

Njëqind vjet itash i mbush

Tuj thanë botës se kush jena

Ne lirinë s’na e fali askush

Veç shqiponja me dy krena!

 

Vuajti shumë shqiptari i shkretë

Mjaft me luftra e me halle

Tash kërkojmë gjithëmonë përjetë

T’gjithë shqiptar’t  nji Shqipni t’madhe!

 

Kyt kërkojmë ne nga Europa

S’dona me na fal asgja

Siç na ndau copa-copa

T’na kthejnë borgjin që na ka!