{"id":9513,"date":"2022-02-01T18:44:48","date_gmt":"2022-02-01T18:44:48","guid":{"rendered":"http:\/\/revistakuvendi.org\/?p=9513"},"modified":"2022-02-01T18:44:48","modified_gmt":"2022-02-01T18:44:48","slug":"torka-i-kickes-t-r-e-g-i-m","status":"publish","type":"post","link":"https:\/\/revistakuvendi.org\/?p=9513","title":{"rendered":"TORKA I KICK\u00cbS – t r e g i m"},"content":{"rendered":"\n
\"\"<\/figure>\n\n\n\n

Nga Ramadan Psma\u00e7iu<\/p>\n\n\n\n

Viktor Cirk\u00ebn e kisha pasur shok n\u00eb fakultet. Madj\u00e9, pat\u00ebm fjetur edhe n\u00eb nj\u00eb dhom\u00eb. V\u00ebrtet atje ishim tremb\u00ebdhjet\u00eb vet\u00eb, por\nkrevati im dhe i atij, ama, qen\u00eb pran\u00eb nj\u00ebri-tjetrit.<\/p>\n\n\n\n

Ishte vet\u00ebm nj\u00eb vit n\u00ebn mua me mosh\u00eb Viktor Cirka, po nga trupi shum\u00eb m\u00eb i im\u00ebt. Sidomos, kur erdhi\ns\u00e9fte n\u00eb shkoll\u00ebn e lart\u00eb, dukej mu si ndonj\u00eb spurdhjak. Shto q\u00eb kishte edhe\nnj\u00eb kok\u00eb t\u00eb vog\u00ebl rrumbullake! Binte n\u00eb sy s\u00eb largu q\u00eb vinte nga\nfshati e q\u00eb s\u2019e kishte shkelur shpesh qytetin. Me\nvalixhe d\u00ebrrase e \u00e7orape leshi dhe n\u00eb fytyr\u00eb tep\u00ebr i\ndjersitur e i kuq. I druajtur e p\u00ebrgjith\u00ebsisht i heshtur. I padjall\u00ebzuar.<\/p>\n\n\n\n

Nuk guxonte t\u00eb merrte pjes\u00eb n\u00eb bisedat tona, ve\u00e7 na ndiqte goj\u00ebhapur, sa\nnj\u00ebrin-tjetrin, dhe qeshte pa z\u00eb p\u00ebr hi\u00e7 gj\u00eb, duke zbuluar ata dy dh\u00ebmb\u00ebt e sip\u00ebrm katarosh\u00eb,\nt\u00eb verdh\u00eb si edhe gjith\u00eb t\u00eb tjer\u00ebt.<\/p>\n\n\n\n

E ndjeva menj\u00ebher\u00eb se kishte nevoj\u00eb patjet\u00ebr ai p\u00ebr dik\u00eb q\u00eb ta mbante af\u00ebr,\nve\u00e7an\u00ebrisht n\u00eb fillim, sa t\u2019i \u00e7eleshin syt\u00eb, e q\u00eb t\u00eb mos b\u00ebhej preh i disa lloj\ntipave, q\u00eb s\u2019rronin dot pa v\u00ebn\u00eb dik\u00eb n\u00eb loj\u00eb. Ndaj e mora n\u00ebn mbrojtje pa m\u00eb th\u00ebn\u00eb kush. E nisa me\nshok\u00ebt e dhom\u00ebs: \u201cAi q\u00eb trazon<\/p>\n\n\n\n

Viktorin, m\u00eb ka\ntrazuar mua! Ta dini!\u201d Dhe kaq mjaftoi. Askush s\u2019pati guxim t\u00eb m\u00eb p\u00ebrgjigjej. Jo se isha sherrxhi, apo nga ata q\u00eb shkak duan\nt\u00eb t\u00eb tregojn\u00eb\nforc\u00ebn, por sepse dija mir\u00eb t\u2019i d\u00ebfteja vendin atij q\u00eb m\u00eb ngrifej e m\u00eb binte m\u00eb\nqaf\u00eb. Vendlindja ime, Berati, qytet i\nvjet\u00ebr e i zhurmsh\u00ebm, lumi i rr\u00ebmbyesh\u00ebm ku k\u00ebrcenim\nme\nkok\u00eb nga shk\u00ebmbi q\u00eb pes\u00eb-gjasht\u00eb vje\u00e7, pazari me\nrr\u00ebmujat e tij, fusha me kum ku losnim me top lecke, ullishtat\ne Bift\u00ebs nga bridhnim k\u00ebmb\u00ebzbathur dhe vrisnim zogj e m\u00ebllenja me llastiqe, kinemaja ku hynim duke\nu shtyr\u00eb me\ngjysma biletash t\u00eb ngjitura me\nbrum\u00eb, bi\u00e7ikletat me qira q\u00eb na i b\u00ebnin gjunj\u00ebt gjak, kacafytjet e egra me nj\u00ebri-tjetrin p\u00ebr mustaqet e \u00c7elos, t\u00eb gjitha k\u00ebto na kishin rrahur me vaj e me uthull, duke formuar tek ne karaktere t\u00eb atilla, q\u00eb s\u2019na\ne hante qeni shkopin.<\/p>\n\n\n\n

Si kaluan ndonja dy jav\u00eb,\ne mora\nViktor Cirk\u00ebn p\u00ebr nj\u00eb\nsh\u00ebtitje nj\u00eb pasdite dhe i tregova se kisha kuptuar q\u00eb ishte djal\u00eb i mir\u00eb, i past\u00ebr e i sinqert\u00eb.<\/p>\n\n\n\n

– Shkurt muhabeti, – i thash\u00eb, – un\u00eb dua t\u00eb b\u00ebhem shok me ty! Ti do t\u00eb b\u00ebhesh shok me mua?<\/p>\n\n\n\n

– Shum\u00eb! – ma ktheu dhe qeshi. I dhash\u00eb dor\u00ebn dhe shtova se\ntani, do t\u00eb m\u2019i d\u00ebgjonte\nca fjal\u00eb, se p\u00ebr t\u00eb mir\u00ebn e tij i kisha.<\/p>\n\n\n\n

– An\u00ebt e flok\u00ebve t\u00eb mos i qeth\u00ebsh m\u00eb me\nmakin\u00eb gjer n\u00eb \u00e7a\u00e7k\u00eb, se t\u00eb duket koka si lak\u00ebr!<\/p>\n\n\n\n

– Mir\u00eb! – m\u00eb tha dhe qeshi.<\/p>\n\n\n\n

– Je i rritur tani, s\u2019je m\u00eb f\u00ebmij\u00eb, je student.\nPas kat\u00ebr vjet\u00ebsh do\nt\u00eb t\u00eb th\u00ebrresin bota profesor. Prandaj do t\u2019i mbash pak m\u00eb t\u00eb gjat\u00eb flok\u00ebt\ndhe an\u00ebve – t\u00eb\nshkurtuara vet\u00ebm me g\u00ebrsh\u00ebr\u00eb! Mir\u00eb?<\/p>\n\n\n\n

– Mir\u00eb, o, po qysh!<\/p>\n\n\n\n

– Dhe k\u00ebta dy katarosh\u00ebt q\u00eb ke, do\nt\u00eb vemi te dentisti t\u2019i shkulim. Vete t\u00eb jet\u00eb studenti me katarosh\u00eb?<\/p>\n\n\n\n

–\nJo, nuk vete.<\/p>\n\n\n\n

–\nAshtu, t\u00eb lumt\u00eb! –\nPastaj e porosita q\u00eb dh\u00ebmb\u00ebt t\u2019i\nlante \u00e7do m\u00ebngjes dhe\ndark\u00eb me fur\u00e7\u00eb e kolinoz, q\u00eb t\u2019i zbardheshin. – Edhe k\u00ebmish\u00ebn mos e fut n\u00ebn brek\u00eb, se t\u00eb del llastiku i brek\u00ebve mbi pantallona! Jo vet\u00ebm k\u00ebmisha, po edhe kanotierja, vihen\nmbi brek\u00ebt, merr\nvesh?<\/p>\n\n\n\n

–\nMarr! – tha dhe qeshi.<\/p>\n\n\n\n

–\nE, ja, kaq jan\u00eb, de,\ns\u2019ka t\u00eb tjera, se sa p\u00ebr k\u00ebpuc\u00ebt, t\u00eb kam v\u00ebn\u00eb re, je merakli vet\u00eb, cop\u00ebn e kadifes n\u00eb xhep e mban ngahera. Ve\u00e7, hiqi, aman, \u00e7orapet e leshta, sidomos tani q\u00eb \u00ebsht\u00eb ende nxeht\u00eb, mbaj t\u00eb pambukta! N\u00eb Tiran\u00eb jemi, s\u2019na mbyti d\u00ebbora! K\u00ebtu edhe n\u00eb dim\u00ebr s\u2019duhen gj\u00eb ato!<\/p>\n\n\n\n

– Mir\u00eb! – m\u00eb tha dhe prap\u00eb qeshi. Ai njeri sikur vet\u00ebm t\u00eb qeshte dinte!<\/p>\n\n\n\n

Jo ve\u00e7 k\u00ebto, po sa e sa kujtime t\u00eb tjera solla nd\u00ebr mend n\u00eb \u00e7ast, kur e takova Viktorin n\u00eb Kor\u00e7\u00eb, pas tre vjet\u00ebsh si kishim mbaruar studimet. Kisha\nshkuar atje me sh\u00ebrbim nga\ngazeta, bashk\u00eb me\ndy shok\u00eb t\u00eb tjer\u00eb. M\u00eb kishte\nmarr\u00eb malli fort p\u00ebr shejtanin. Dhe si t\u00eb mos m\u00eb merrte! N\u00eb fakultet ai\nishte kudo pas meje. Po edhe kishe qejf m\u00eb pas t\u00eb thoshje se qe shoku yt. Erdhi e ndryshoi q\u00eb… Iu mbush fytyra,\nfaqet iu b\u00ebn\u00eb pllucka, pa i jepnin lezet edhe dy-tri baluke mbi ball\u00eb! Dhe koka, \u00e7udi e madhe, iu rrit\np\u00ebr bukuri. Ve\u00e7 edhe t\u00eb qeshurat e tep\u00ebrta i preu pak nga\npak Viktori. Nisi t\u00eb sillej m\u00eb i p\u00ebrmbajtur, m\u00eb serioz. Vishte edhe kostum\nt\u00eb zi, k\u00ebmish\u00eb t\u00eb bardh\u00eb e gravat\u00eb me lule. T\u00eb ecur\u00ebn, gjithashtu, e ndryshoi.\nJo se ia k\u00ebrkova un\u00eb q\u00eb t\u00eb mos\ni thyente gjunj\u00ebt e t\u00eb mos i hidhte hapat aq t\u00eb gjat\u00eb, por, si\ni zgjuar q\u00eb ish, mjaft gj\u00ebra i korrigjonte pa\nu shtyr\u00eb. Plot xheste q\u00eb i p\u00eblqenin, t\u00eb miat e t\u00eb t\u00eb tjer\u00ebve, i b\u00ebri shpejt t\u00eb vetat. P\u00ebr \u201cjo!\u201d nuk ia b\u00ebnte m\u00eb \u201ccuq, cuq!\u201d\n dhe p\u00ebrsh\u00ebndetjet i shoq\u00ebronte me\nnj\u00eb ulje t\u00eb leht\u00eb t\u00eb kok\u00ebs p\u00ebrpara. Kur ndahej, t\u00ebrhiqej\ndy \u00e7apa pas,\n\u00e7onte krahun lart dhe, duke e l\u00ebvizur p\u00ebll\u00ebmb\u00ebn majtas-djathtas, t\u00eb thoshte \u00ebmb\u00ebl \u201c\u00e7iao!\u201d, ndon\u00ebse k\u00ebt\u00eb fjal\u00eb s\u2019e kishte prej meje. Ja, k\u00ebshtu,\n\u00e7\u2019t\u2019ju them!\nShkonte n\u00eb t\u00eb gjitha leksionet. Dhe n\u00eb provime merrte\nnota t\u00eb mira. Pa na u\nb\u00eb edhe sekretar i rinis\u00eb n\u00eb kurs. U caktua edhe nga dekanati t\u00eb mbante\nmungesat tona n\u00eb nj\u00eb regjist\u00ebr t\u00eb posa\u00e7\u00ebm. Dhe e kryente me rregull k\u00ebt\u00eb pun\u00eb. Ve\u00e7 me mua e shkelte, se s\u2019i b\u00ebnte dora t\u00eb ma sh\u00ebnonte munges\u00ebn.<\/p>\n\n\n\n

Pra, tre vjet pasi ishim ndar\u00eb, m\u2019u shfaq n\u00eb Kor\u00e7\u00eb, n\u00eb nj\u00eb rrug\u00eb qorre, si\nt\u00eb kishte mbir\u00eb nga dheu. Pah, sa ishte trashur! Si n\u00eb bel, si n\u00eb qaf\u00eb! Dhe p\u00ebrs\u00ebri me\nkostum, po tashm\u00eb ngjyr\u00eb blu e nga\nstof i shtrenjt\u00eb. K\u00ebpuc\u00ebt – nga ato me porosi e me dopjo sholl\u00eb. Po edhe gravat\u00ebn s\u2019e kish m\u00eb sido-kudo, por t\u00eb jashtme e me\npamjen e nj\u00eb gjahtari q\u00eb gjuante rosa t\u00eb egra me\n\u00e7ifte, mbi vark\u00eb, diku n\u00eb nj\u00eb k\u00ebnet\u00eb. N\u00ebn sqetull mbante\nnj\u00eb \u00e7ant\u00eb zyrtar\u00ebsh me zinxhir e prej l\u00ebkure t\u00eb mir\u00eb. Dhe, si p\u00ebr t\u00eb m\u00eb ardhur keq mua, ishte kthyer prap\u00eb te\n\u00e7orapet e leshit. M\u2019u duk si njeri krejt tjet\u00ebr dhe m\u00eb i madh se un\u00eb nga\nvje\u00e7\u00ebt. Ve\u00e7 t\u00eb kuqt\u00eb e fytyr\u00ebs dhe t\u00eb qaf\u00ebs i kishin mbetur nga t\u00eb tijat, si\nedhe djersa.<\/p>\n\n\n\n

–\nPo ku je, more Tore! Ma ke\nb\u00ebr\u00eb syrin bak\u00ebr! – i thash\u00eb i g\u00ebzuar dhe e shtr\u00ebngova fort n\u00eb gjoks. Duke buz\u00ebqeshur paksa, ai u lirua si\nme marifet prej krah\u00ebve t\u00eb mi\ndhe m\u00eb hodhi nj\u00eb v\u00ebshtrim nga koka te k\u00ebmb\u00ebt. Isha veshur\nme\nnj\u00eb k\u00ebmish\u00eb lino, se ishte fillim gushti, me nj\u00eb pal\u00eb pantallona kadife t\u00eb zeza, nga\najo me vija t\u00eb holla, e me k\u00ebpuc\u00eb nga t\u00eb fabrik\u00ebs s\u00eb Tiran\u00ebs.<\/p>\n\n\n\n

–\nSi je me sh\u00ebndet? Nga sht\u00ebpia si\ni ke?<\/p>\n\n\n\n

– Mir\u00eb, mir\u00eb jemi, po ju?<\/p>\n\n\n\n

–\nMe pun\u00eb si\nia \u00e7on?<\/p>\n\n\n\n

– Ja, mo, shoku… si t\u2019ia \u00e7ojm\u00eb, si n\u00eb provinc\u00eb  – m\u2019u p\u00ebrgjigj i pak\u00ebnaqur. – Ju andej nga\nTirana, – shtoi\np\u00ebrs\u00ebri duke m\u2019i bredhur syt\u00eb nga koka te k\u00ebmb\u00ebt, –\nsi jeni, si ia \u00e7oni nga\nTirana?<\/p>\n\n\n\n

E para gj\u00eb q\u00eb pikasa ishte se po m\u00eb fliste me \u201cju\u201d, i distancuar disi nga ajo shoq\u00ebri e af\u00ebrt q\u00eb kishim pasur\nn\u00eb aq vjet. Po edhe si i\nngrefur m\u2019u duk. Megjithat\u00eb, u p\u00ebrmbajta.<\/p>\n\n\n\n

– Hajde, more, l\u00ebri ato, \u201cju\u201d-t\u00eb, e\n\u00e7\u2019na ngat\u00ebrron me Tiran\u00ebn! – ia ktheva me t\u00eb qeshur. – Jemi shok\u00eb t\u00eb vjet\u00ebr, apo s\u2019jemi!?<\/p>\n\n\n\n

Por ai nj\u00ebsoj e hodhi vallen. M\u00eb tregoi nj\u00eb grua t\u00eb thyer thatanike, q\u00eb kishte\nn\u00eb krah, dhe p\u00ebrs\u00ebri:<\/p>\n\n\n\n

– Ju prezantoj n\u00ebn\u00ebn time!<\/p>\n\n\n\n

–\nSi, mor, n\u00ebn\u00ebn t\u00ebnde!<\/p>\n\n\n\n

Ishte me nj\u00eb shami t\u00eb zez\u00eb lidhur leshrat e \u00ebma, me\ntriko leshi t\u00eb zez\u00eb, \u00e7orape leshi t\u00eb zeza dhe\nme k\u00ebpuc\u00eb gjysma burrash t\u00eb zeza.\nDukej, ishte nj\u00eb veshje sipas zakonit t\u00eb fshatit. U p\u00ebrqafova edhe\nme at\u00eb ngroht\u00eb, i tregova se\nViktorin e kisha pasur n\u00eb shkoll\u00eb si v\u00eblla dhe se po\ng\u00ebzohesha shum\u00eb q\u00eb po takoheshim.<\/p>\n\n\n\n

– M\u00eb rrofsh, mor bir, m\u00eb rrofsh! E ke n\u00ebnock\u00ebn, babak\u00ebn e ke?<\/p>\n\n\n\n

– I kam, i kam, t\u00eb dy i kam.<\/p>\n\n\n\n

– Po \u00e7\u2019pun\u00eb b\u00ebn?<\/p>\n\n\n\n

– N\u00eb nj\u00eb gazet\u00eb, n\u00eb Tiran\u00eb, punoj.<\/p>\n\n\n\n

– Mua m\u00eb kan\u00eb th\u00ebn\u00eb q\u00eb jeni m\u00ebsues n\u00eb 8-vje\u00e7aren e M\u00ebzezit. Nuk di se kush…<\/p>\n\n\n\n

– E, jo, nuk jam atje, e as kam qen\u00eb ndonj\u00ebher\u00eb! – e nd\u00ebrpreva Viktorin.<\/p>\n\n\n\n

–\nPa shiko, pa shiko, sa mir\u00eb! –\nk\u00ebrceu n\u00ebna e tij. – Kurse neve Torka\nna mbeti n\u00eb fshat.\nE kan\u00eb v\u00ebn\u00eb direktor n\u00eb xhimnaz,\npo sa para b\u00ebn!\nNa e donte shpirti ta ngrinin nj\u00eb\n\u00e7ik\u00eb m\u00eb lart,\nta binin t\u00eb pakt\u00ebn k\u00ebtu nd\u00eb Kor\u00e7\u00eb, t\u2019i hapej nj\u00eb derk\u00eb n\u00eb qytet sht\u00ebpis\u00eb son\u00eb. Dhe Tork\u00ebn ta kisha ca m\u00eb rehat,\nse\ne dua shum\u00eb, e kam m\u00eb t\u00eb voglin, lezetin e pleq\u00ebris\u00eb, pas\ntre djemve e dy ke\u00e7eve, dhe me shkoll\u00eb, jo llafe! Dhiamant, de, kaluar dhiamantit!<\/p>\n\n\n\n

Viktori e t\u00ebrhoqi nga krahu q\u00eb mbante trast\u00ebn.<\/p>\n\n\n\n

– M\u00eb ler ti, do t\u2019ia them t\u00eb gjitha, se s\u2019kam ku ta gjej m\u00eb! –\ne shtyu ajo dhe u kthye prap\u00eb nga un\u00eb: – Apo s\u2019\u00ebsht\u00eb n\u00eb mosh\u00eb p\u00ebr martes\u00eb, mor djal\u00eb! Apo s\u2019\u00ebsht\u00eb edhe\ni dukur si floriri, q\u00eb ma ruajt\u00eb Zoti! Ku gjen \u00e7up\u00eb n\u00eb\nk\u00ebmb\u00ebkuqet e fshatit p\u00ebr Tork\u00ebn tim! T\u00eb zinte dot Kor\u00e7\u00ebn me pun\u00eb ky, do t\u2019ia ngulte sy\u00e7k\u00ebn edhe ndonj\u00eb kor\u00e7arkeje kasaballeshk\u00eb, e di\nun\u00eb, dhe hallall pastaj!<\/p>\n\n\n\n

I biri p\u00ebrs\u00ebri e t\u00ebrhoqi nga m\u00ebnga.<\/p>\n\n\n\n

– \u00c7\u2019llafos, moj n\u00ebn\u00eb! – i tha, ve\u00e7 k\u00ebt\u00eb her\u00eb pak si nervoz.<\/p>\n\n\n\n

– Si \u00e7\u2019llafos, mo! \u00cbsht\u00eb i gazet\u00ebs ky\ndhe ti e paske si t\u00eb ta ket\u00eb\npjell\u00eb jote \u00ebm\u00eb! E ka n\u00eb dor\u00eb t\u2019u thot\u00eb dy fjal\u00eb p\u00ebr ty k\u00ebtyre t\u00eb komitetit\nk\u00ebtu! Apo s\u2019i ec\u00ebn! F\u00ebt – f\u00ebt! Me gazet\u00ebn\nduan ta ken\u00eb mir\u00eb t\u00eb gjith\u00eb, mbam\u00eb vesh mua! Se gazeta t\u00eb hip\u00ebn n\u00eb maj\u00eb t\u00eb\ntelit, t\u00eb b\u00ebn t\u00eb k\u00ebrcesh si prifti nga belaja. E harrove Ki\u00e7on e Fros\u00ebs, Tork\u00eb!?  Bridhte pazarit me vitur\u00eb e me\nhund\u00ebn n\u00eb direk t\u00eb mullarit, tani\nbredh me gjysm\u00eb opinge! Nga gazeta, de, q\u00eb ia nxori lakrat n\u00eb shesh!<\/p>\n\n\n\n

Pastaj e \u00ebma e Viktor Cirk\u00ebs sikur u kujtua p\u00ebr di\u00e7ka.<\/p>\n\n\n\n

– Po qysh harrova, q\u00eb m\u00eb ngr\u00ebnt\u00eb mortja, qysh harrova t\u00eb\nt\u00eb them\nq\u00eb t\u00eb na vi\u00e7 nj\u00eb dark\u00eb nga sht\u00ebpia! T\u00eb na vi\u00e7, d\u00ebgjon, se\nk\u00ebtu af\u00ebr jemi, nj\u00eb vrap pele! T\u00eb na vi\u00e7 se s\u2019b\u00ebn! M\u00eb ke\nsi n\u00ebnock\u00ebn t\u00ebnde! Nuk \u00ebsht\u00eb zor fare p\u00ebr t\u00eb ardhur te ne! Me otobuz vjen, sa t\u00eb hap\u00e7 e t\u00eb mbyll\u00e7 syt\u00eb! Gjer n\u00eb shtat\u00eb t\u00eb dark\u00ebs tutje-t\u00ebhu e\nke otobuzin! Pal\u00e9 q\u00eb vjen Torka t\u00eb merr! H\u00eb, mo, Tork\u00eb, t\u2019u b\u00ebfsha!<\/p>\n\n\n\n

– Vij, s\u2019e kam p\u00ebr gj\u00eb!<\/p>\n\n\n\n

U thash\u00eb se i\nfal\u00ebnderoja shum\u00eb p\u00ebr ftes\u00ebn dhe se kisha v\u00ebrtet qejf t\u00eb njihja edhe baban\u00eb e\nViktorit, t\u00eb shihja edhe sht\u00ebpin\u00eb ku jetonte shoku im, shkoll\u00ebn ku punonte e plot\ngj\u00ebra, por m\u00eb pengonte puna. Ve\u00e7 k\u00ebsaj, isha edhe me dy t\u00eb tjer\u00eb.<\/p>\n\n\n\n

–\nEh, mor bir i n\u00ebnock\u00ebs, ne kemi sht\u00ebpi t\u00eb madhe e vend sa p\u00ebr dhjet\u00eb, por duam t\u00eb jemi vet\u00ebm me\nty k\u00ebt\u00eb radh\u00eb, t\u00eb t\u00eb hapim barkun, dhe\nju, si shok\u00eb e v\u00ebllez\u00ebr, t\u00eb \u00e7malleni me\nduf.<\/p>\n\n\n\n

– Ashtu \u00ebsht\u00eb! – shtoi Viktori. – Ju presim!<\/p>\n\n\n\n

– Prap\u00eb me \u201cju\u201d m\u00eb flet ti, Tore!<\/p>\n\n\n\n

– E, mo, se goj\u00eb \u00ebsht\u00eb! – Ai qeshi. Dhe ajo e qeshur, e nj\u00ebjt\u00eb p\u00ebr \u00e7udi, me\nat\u00eb t\u00eb koh\u00ebs kur ishim student\u00eb, m\u00eb zgjoi mallin e\nhersh\u00ebm. I rraha\nshpatullat dhe thash\u00eb:<\/p>\n\n\n\n

– Mbaroi! Do t\u00eb vij! Nes\u00ebr pasdite, m\u00eb gjasht\u00eb, te \u201cPanda\u201d!<\/em><\/p>\n\n\n\n

– Mir\u00eb, te \u201cPanda\u201d, m\u00eb gjasht\u00eb! – i vuri kapak ai, p\u00ebrveshi m\u00ebng\u00ebn dhe v\u00ebshtroi or\u00ebn, si t\u00eb\ndesh ta fiksonte. B\u00ebri dy hapa pas, ngriti\nkrahun dhe m\u00eb tundi dor\u00ebn, por pa th\u00ebn\u00eb \u201c\u00e7iao!\u201d<\/em> si dikur. Duket, kjo hynte n\u00eb krasitjet e m\u00ebpasshme t\u00eb\nsjelljeve e xhesteve. Kurse e \u00ebma b\u00ebri ndryshe. Ajo m\u2019u afrua, m\u00eb puthi t\u00eb dyja faqet dhe p\u00ebshp\u00ebriti e\np\u00ebrmalluar:<\/p>\n\n\n\n

– K\u00ebshtu, t\u00eb keqen! T\u00eb presim dhe t\u00eb ma ke\u00e7 gjithnj\u00eb si v\u00eblla Tork\u00ebn,\nt\u00eb mos ma nxjerr\u00e7 kurr\u00eb as nga mendja e as nga zemra!<\/p>\n\n\n\n

U ndam\u00eb. Por s\u2019ishte ndonj\u00eb ndarje kushedi \u00e7\u00eb! Ndaj munguan\nndjenjat, se jo larg, po t\u00eb\nnes\u00ebrmen, do t\u00eb shiheshim\nrishtas. Pa do t\u00eb kalonim\ns\u00eb bashku nj\u00eb nat\u00eb t\u00eb t\u00ebr\u00eb, me aq e aq kujtime p\u00ebr vete dhe p\u00ebr shok\u00ebt. N\u00ebna e Tores,\nsidomos, q\u00eb e pask\u00ebsh goj\u00ebn brisk,\nisha i sigurt se do t\u00eb m\u00eb k\u00ebnaqte e do t\u00eb m\u00eb b\u00ebnte t\u00eb qeshja e t\u00eb \u00e7lodhesha. Vet\u00ebm fjal\u00ebt e n\u00ebnave, sido q\u00eb kan\u00eb qen\u00eb, un\u00eb s\u2019i kam\n\u00e7muar kurr\u00eb si t\u00eb tep\u00ebrta dhe asnj\u00eb n\u00ebn\u00eb n\u00eb bot\u00eb s\u2019e kam quajtur fjal\u00ebshum\u00eb.<\/p>\n\n\n\n

Sa her\u00eb na ndodhte t\u00eb shkonim me sh\u00ebrbim t\u00eb tre bashk\u00eb, un\u00eb dhe Jani e kishim b\u00ebr\u00eb si rregull q\u00eb t\u2019ia dor\u00ebzonim paret e\ndietave Canit. Atij i jepej fort p\u00ebr t\u2019i ekonomisur. Na zgjidhte restorante t\u00eb thjeshta e\nt\u00eb lira\nskutave, ve\u00e7 me gatime t\u00eb shijshme dhe na vinte kufi p\u00ebr shpenzime t\u00eb\ntep\u00ebrta. N\u00eb shum\u00eb raste na thoshte: \u201c<\/em>Sot p\u00ebr drek\u00eb s\u2019ka t\u00eb par\u00eb, vet\u00ebm t\u00eb dyt\u00eb!\u201d, ose \u201cMakaronat\nsonte n\u00eb dark\u00eb do t\u2019i ham\u00eb pa kos! Po na firoset buxheti! S\u2019dua t\u00eb dalim me k\u00ebpuc\u00eb t\u00eb kuqe!\u201d,\nose buz\u00ebqeshte dhe shtonte: \u201cPo ju jap nj\u00eb lajm t\u00eb mir\u00eb! Nes\u00ebr dark\u00ebn e kemi n\u00eb bar-lulishte, me birra, m\u00ebl\u00e7i\u00e7ka, \u00e7yre\u00e7ka…\u201d Dhe\nne i b\u00ebnim qejfin: \u201cO po ti je i madh!\u201d Dhe v\u00ebrtet ishte, se pa at\u00eb harxhonim edhe nga rroga e s\u2019k\u00ebnaqeshim, kurse Cani, dit\u00ebn q\u00eb ktheheshim na\nbefasonte edhe me ndonj\u00eb dhurat\u00eb, si stilolaps e bllok, kanotiere a\nshami dore… \u201cHajt, se me paret tuaja i bleva, me ato q\u00eb tepruan, \u00e7\u2019m\u00eb fal\u00ebnderoni!\u201d –\nna thoshte.<\/p>\n\n\n\n

Kur u tregova se t\u00eb nes\u00ebrmen mbr\u00ebma do t\u00eb isha mik n\u00eb fshat, Jani u ngut dhe m\u00eb pyeti se kur do t\u00eb kthehesha.<\/p>\n\n\n\n

– P\u00ebr drek\u00eb m\u00eb keni prap\u00eb k\u00ebtu! –\niu p\u00ebrgjigja.<\/p>\n\n\n\n

At\u00ebher\u00eb ai vuri buz\u00ebn n\u00eb gaz dhe i tha Canit:<\/p>\n\n\n\n

– Dol\u00ebn dy shishe birr\u00eb me shishqebap p\u00ebr ne!<\/p>\n\n\n\n

– Po, po! – ia ktheu ky serioz.<\/p>\n\n\n\n

Isha te \u201cPanda\u201d\nqysh m\u00eb gjasht\u00eb pa\ndhjet\u00eb. Pse ta b\u00ebja t\u00eb priste Toren, po t\u00eb vinte m\u00eb her\u00ebt! Kisha b\u00ebr\u00eb banj\u00eb, qesh\u00eb rruar e nd\u00ebrruar. I\nveshur me nj\u00eb k\u00ebmish\u00eb tjet\u00ebr t\u00eb bukur me\nkuadrate, t\u00eb lar\u00eb dhe hekurosur, ashtu si\nedhe pantallonat. K\u00ebpuc\u00ebt m\u00eb vet\u00ebtinin. Jani nguli k\u00ebmb\u00eb\nt\u00eb m\u00eb jepte or\u00ebn e tij, por nuk pranova. \u201cS\u2019dua t\u00eb\ndukem! –\ni thash\u00eb. – Pse s\u2019kam or\u00eb, s\u2019\u00ebsht\u00eb turp!\u201d Kurse Cani, si m\u00eb i pjekur e q\u00eb i dinte zakonet, m\u00eb bleu\nnj\u00eb pako llokume p\u00ebr plak\u00ebn e Tores\nnga arka e p\u00ebrbashk\u00ebt, se po ia shkelja sht\u00ebpin\u00eb p\u00ebr her\u00eb t\u00eb par\u00eb\ndhe s\u2019b\u00ebnte t\u00eb shkoja duarthat\u00eb.<\/p>\n\n\n\n

Kur\nora vajti plot gjasht\u00eb, se\u00e7 m\u00eb hipi nj\u00eb padurim. Doja q\u00eb Torja t\u00eb shfaqej para\nmeje sa m\u00eb shpejt. P\u00ebrpiqesha ta p\u00ebrfytyroja t\u00eb burr\u00ebruar si\u00e7 ish dhe\ns\u2019mundesha. M\u00eb rrinte n\u00eb sy ai i dikurshmi, studenti. Do ta p\u00ebrqafoja p\u00ebrs\u00ebri\nq\u00eb t\u00eb \u00e7mallesha tamam, se s\u2019isha \u00e7mallur! Do ta ngacmoja e do t\u00eb m\u00eb ngacmonte.\nDo t\u00eb qeshja me t\u00eb e ai do t\u00eb qeshte me mua. E mbase edhe ato \u00e7aste do t\u00eb\nmbeteshin t\u00eb paharruara n\u00eb jet\u00ebn ton\u00eb, si aq e aq t\u00eb m\u00ebpar\u00ebshme! Do t\u2019i b\u00ebja\nnj\u00ebqind pyetje qysh rrug\u00ebs: \u201cT\u00eb kujtohet ajo, t\u00eb kujtohet kjo? Eh, mor Tore,\nTore!\u201d. \u201cPo ajo mbr\u00ebmja e\nvall\u00ebzimit kur e mor\u00ebn fuqin\u00eb damat, e kur t\u00eb erdhi ajo kallafaja nga Vlora,\nZenepja, e t\u00eb ftoi p\u00ebr t\u00eb k\u00ebrcyer, t\u00eb kujtohet? Ti u b\u00ebre spec i kuq dhe i the\nnuk di, me gjysm\u00eb z\u00ebri. Po ajo s\u2019t\u2019u shqit, t\u00eb t\u00ebrhoqi nga dora si nj\u00eb cop\u00ebz\nlet\u00ebr. Po edhe ti, ama, e sakatove t\u00eb shkret\u00ebn, duke u hedhur pupthi sa n\u00eb\nnj\u00ebr\u00ebn k\u00ebmb\u00eb n\u00eb tjetr\u00ebn, sikur shtypje rrush! Eh, mor Tore, Tore! Po ajo nat\u00eb\nn\u00eb sall\u00ebn e studimit, kur po p\u00ebrgatiteshim p\u00ebr provimin e let\u00ebrsis\u00eb\nper\u00ebndimore, kur t\u2019u afrua Loni dhe t\u00eb g\u00ebnjeu me limontos, t\u00eb kujtohet? Ti e\ndije sheqer, e hodhe gjith\u00eb grushtin n\u00eb goj\u00eb dhe t\u00eb dol\u00ebn syt\u00eb naaa! E, t\u00eb\nkujtohet? Kur m\u2019u qep edhe mua ai, e gjeti si breshka te nallbani. Se ia vesha\nme p\u00ebll\u00ebmb\u00eb . Nxora inatin t\u00ebnd. Po q\u00eb t\u00ebr\u00eb vitin e par\u00eb harxhove parat\u00eb e\ndynjas\u00eb duke shkuar n\u00eb banjat popullore, se t\u00eb vinte turp t\u00eb laheshe n\u00eb disk\ntok me ne t\u00eb tjer\u00ebt n\u00eb konvikt, t\u00eb kujtohet? Eh, mor Tore, Tore!\u201d\nPo edhe Torja s\u2019do t\u00eb rrinte pa m\u00eb ngacmuar. \u201cKur ishe boksier\ni \u201cStudentit\u201d, e kur po b\u00ebnit gara st\u00ebrvitore te palestra n\u00eb\nxhamin\u00eb pran\u00eb Dervish-Hatixhes\u00eb, t\u00eb kujtohet qysh u\nt\u00ebrbove dhe ia ngule dh\u00ebmb\u00ebt n\u00eb brinj\u00eb atij ushtarit t\u00eb\n\u201cPartizanit\u201d? Po s\u2019i pate faj ti, se nuk e mbajti fjal\u00ebn, q\u00eb t\u00eb\nmos e q\u00ebllonit n\u00eb fytyr\u00eb nj\u00ebri-tjetrin dhe ta futi me grusht mbi buz\u00eb!\u201d \u201cJo,\nmore! Edhe k\u00ebt\u00eb e mban mend!? Ha-ha-ha!\u201d \u201cPo kur e dhe provimin e\nHistoris\u00eb s\u00eb koh\u00ebs s\u00eb lasht\u00eb me librin e klas\u00ebs s\u00eb pest\u00eb t\u00eb\n7-vje\u00e7ares?\u201d \u201cEdhe k\u00ebt\u00eb s\u2019e paske harruar!?\u201d \u201cPo kur atij gryk\u00ebsit, Agim Menit,\nat\u00eb dit\u00eb q\u00eb s\u2019po t\u00eb ndahej, se donte q\u00eb ta qerasje me ashure, t\u00eb kujtohet si ia\npunove? Mir\u00eb, i the, por ama t\u00eb hash nj\u00ebzet tasa! Po s\u2019i h\u00ebngre dot, do t\u2019i\npaguash vet\u00eb! Tek tasi i shtat\u00ebmb\u00ebdhjet\u00eb nxori zorr\u00ebt ai n\u00eb mes t\u00eb pasti\u00e7eris\u00eb\n\u201cPeza\u201d. \u201cObobo, ditke edhe tasat q\u00eb h\u00ebngri!\u201d \u201cPo isha aty, mo, aty me ty!\u201d<\/strong><\/p>\n\n\n\n

I p\u00ebrhumbur krejt n\u00eb k\u00ebto kujtime, u p\u00ebrplasa me\nnj\u00ebrin, tek sh\u00ebtisja n\u00eb pritje lart-posht\u00eb.<\/p>\n\n\n\n

– M\u00eb fal, – i thash\u00eb, – shikon mendja, s\u2019shikon syri!<\/p>\n\n\n\n

– E, mo, s\u2019u b\u00eb gj\u00eb! – ma ktheu. – Se mos jam vez\u00eb e u theva!<\/p>\n\n\n\n

Qenk\u00ebsh njeri i mir\u00eb!<\/p>\n\n\n\n

– T\u00eb lutem, mos ke or\u00eb?<\/p>\n\n\n\n

–\nTe hotel \u201cMorava\u201d\ne lash\u00eb shtat\u00eb pa\npes\u00eb! – m\u2019u p\u00ebrgjigj. – Shto edhe ndonja dhjet\u00eb – pes\u00ebmb\u00ebdhjet\u00eb minuta dhe…<\/p>\n\n\n\n

– Ouuu! – thirra dhe k\u00ebrceva p\u00ebrpjet\u00eb. K\u00ebrkova n\u00eb kok\u00eb nj\u00ebqind arsye p\u00ebr t\u00eb\nshfaj\u00ebsuar Toren p\u00ebr vones\u00ebn dhe prita p\u00ebrs\u00ebri. Por…\nshkoi shtat\u00eb e gjysm\u00eb, shkoi tet\u00eb pa nj\u00eb \u00e7erek…\nPrap\u00eb k\u00ebrkoja n\u00eb kok\u00eb arsye p\u00ebr vones\u00ebn e Tores.\nPas ca u shkunda. \u201cEdhe nj\u00eb derr, –\ni thash\u00eb vetes, – s\u2019do t\u00eb kishte durim t\u00eb priste m\u00eb shum\u00eb! Nuk e kupton se kjo s\u2019\u00ebsht\u00eb\nvones\u00eb!? Ai s\u2019do t\u00eb vij\u00eb dhe pik\u00eb! B\u00ebje mendjen top dhe ik tani!\u201d Po ku t\u00eb ikja? Ku t\u00eb p\u00ebrplasesha? Te shok\u00ebt?\nKurr\u00ebn e kurr\u00ebs! S\u2019kisha fytyr\u00eb t\u2019u dilja p\u00ebrpara. Ndryshe, duhej t\u00eb kuptonin\nq\u00eb s\u2019pask\u00ebsha qen\u00eb kurrkushi n\u00eb fakultet, gjersa nj\u00eb shok i kursit m\u00eb tallte\nk\u00ebsisoj! \u201cPa dale! – kund\u00ebrshtova veten n\u00eb \u00e7ast. – Ku e di ti, nga je i bindur, se t\u00eb ka tallur shoku? T\u00eb thot\u00eb mendja se\narrin Torja gjer k\u00ebtu? E pamundur! Pra, di\u00e7 ka n\u00eb k\u00ebt\u00eb mes! Mund t\u00eb ket\u00eb thyer\nk\u00ebmb\u00ebn, fjala vjen. At\u00ebher\u00eb, pse nuk d\u00ebrgoi nj\u00ebrin nga v\u00ebllez\u00ebrit? Po\nsi do t\u00eb m\u00eb njihte nj\u00eb tjet\u00ebr, q\u00eb s\u2019m\u00eb\nka par\u00eb kurr\u00eb? Ta d\u00ebrgonte tok me t\u00eb \u00ebm\u00ebn! Ashtu? Tok me t\u00eb \u00ebm\u00ebn? Po sikur t\u00eb ken\u00eb p\u00ebsuar n\u00eb sht\u00ebpi, larg qoft\u00eb,\nndonj\u00eb fatkeq\u00ebsi?\u201d \u00c7\u2019t\u00eb b\u00ebja? E, ja, kjo ishte \u00e7\u00ebshtja! T\u00eb gjeja rrug\u00ebdalje! Pas\npak m\u2019u duk se\nq\u00ebllova n\u00eb shenj\u00eb. \u201cVer\u00eb \u00ebsht\u00eb, nat\u00eb e gjat\u00eb dhe\ne fresk\u00ebt \u00ebsht\u00eb, pse t\u00eb mos nisem vet\u00eb p\u00ebr te ai?\nShum\u00eb-shum\u00eb, p\u00ebr nj\u00eb or\u00eb, a nj\u00eb or\u00eb e ca, arrij. Dhe atje i shkoqis t\u00eb gjitha. N\u00eb \u00ebsht\u00eb q\u00eb s\u2019m\u00eb ka dh\u00ebn\u00eb\nr\u00ebnd\u00ebsi Viktor\nCirka, do t\u00eb di t\u2019ia them dy\nfjal\u00eb, se goja ve\u00e7 p\u00ebr buk\u00eb s\u2019\u00ebsht\u00eb, dhe do t\u00eb jem i lar\u00eb, e jo k\u00ebshtu me duart n\u00eb t\u00eb ndenjurat. Dhe atij do t\u2019i mbetet n\u00eb der\u00eb, jo mua, atij! Por, n\u00eb \u00ebsht\u00eb penguar v\u00ebrtet nga ndonj\u00eb shkak i fort\u00eb i\npapritur dhe po vuan\nduke\nu torturuar nga mendimi se po kujtoj q\u00eb m\u00eb la n\u00eb rren\u00eb,\nat\u00ebher\u00eb do\nta qet\u00ebsoj dhe\nmerr fund kjo pun\u00eb! Hajt, e mbar\u00eb qoft\u00eb!\u201d U nisa. Dhe sa mir\u00eb b\u00ebra! Ku\ngdhihej t\u00ebr\u00eb ajo nat\u00eb me aq ngacmime e shqet\u00ebsime!<\/p>\n\n\n\n

Kishte h\u00ebn\u00eb dhe udha dukej qart\u00eb. Ishte nj\u00eb udh\u00eb makinash me kanale plot barishte an\u00ebve, ku guhatnin bretkosa e bulktha, por\njo e asfaltuar. Me pluhur e\nguri\u00e7ka, ve\u00e7 me taban t\u00eb\nfort\u00eb. E\nrrahur, duket, dhe e ngjeshur mir\u00eb\nprej\nkamion\u00ebve t\u00eb r\u00ebnd\u00eb q\u00eb venin e vinin me\nngarkes\u00eb nga miniera e qymyrgurit. Po pse, p\u00ebr dreq, kur m\u00eb duheshin mua, asnj\u00eb prej\ntyre s\u2019shihej!? Hidhja ca hapa t\u00eb\n\u00e7uditsh\u00ebm, her\u00eb t\u00eb gjat\u00eb e t\u00eb shpejt\u00eb, her\u00eb t\u00eb shkurt\u00ebr e t\u00eb ngath\u00ebt. Mendimet\nq\u00eb m\u00eb zienin pareshtur p\u00ebr at\u00eb q\u00eb m\u00eb kishte ndodhur, t\u00eb mira ose t\u00eb k\u00ebqija, kishin n\u00ebn urdh\u00ebra edhe\nritmin e ecjes. Mendimet dhe shpirti, i qet\u00eb ose i vrar\u00eb. N\u00eb kok\u00ebn time gjallonte, sa vinte e m\u00eb fort, nj\u00eb trazir\u00eb, nj\u00eb kacafytje, nj\u00eb ngat\u00ebrres\u00eb, nj\u00eb p\u00ebrzierje\ne \u00e7uditshme. Drita sulmonte me shtiza err\u00ebsir\u00ebn. Dhe kjo, mu si ndonj\u00eb shtrig\u00eb goj\u00ebshpell\u00eb e kockanjare,\nzgjaste krah\u00ebt si shkopinj e i mbulonte drit\u00ebs fytyr\u00ebn e bukur me ca fasha t\u00eb zeza pis. Dikur ng\u00ebrtheheshin t\u00eb dyja bashk\u00eb dhe rridhte p\u00ebrzierja\npa em\u00ebr dhe\ne trishtuar. N\u00eb kok\u00ebn time p\u00ebrzihej mushti i \u00ebmb\u00ebl i rrushit me\nuthull\u00ebn e thart\u00eb, kripa me sheqerin. N\u00eb kok\u00ebn time mishi me bamje servirej n\u00eb sherbet, cironkat e skuqura – kredhur n\u00eb tasa me krem karamele… Dhe un\u00eb provoja marramendje e turbullim\ndhe shijet m\u00eb t\u00eb poshtra, m\u00eb t\u00eb ndyra e m\u00eb t\u00eb p\u00ebshtira. K\u00ebtu m\u00eb vinte p\u00ebr t\u00eb\nvjell\u00eb. Atje sikur \u00e7lirohesha p\u00ebrs\u00ebri dhe mbushesha rishtas me frym\u00eb. E sikur Torja i p\u00ebrplaste kryet mbi\ngjoksin tim me sy t\u00eb p\u00ebrlotur. \u201cT\u00eb m\u00eb\nfal\u00ebsh, bre, t\u00eb m\u00eb fal\u00ebsh, – sikur m\u00eb thoshte, – se nuk desha, besom\u00eb!\u201d\nPo kur un\u00eb p\u00ebrpiqesha ta qet\u00ebsoja, ai\nhop, shk\u00ebputej prej meje, ia plaste\nnj\u00eb t\u00eb qeshure q\u00eb m\u00eb p\u00ebrqethte, p\u00ebrs\u00ebri duke zbuluar ata dh\u00ebmb\u00ebt e sip\u00ebrm\nkatarosh\u00eb, q\u00eb kishte pasur, dhe ngjitej n\u00eb ca shkall\u00eb t\u00eb larta – t\u00eb larta, e prej andej, s\u00ebrishmi duke u shqyer n\u00eb ato t\u00eb qeshura\nt\u00eb xhamta q\u00eb m\u00eb sillnin v\u00ebrdall\u00eb, \u00e7onte krahun, l\u00ebvizte p\u00ebll\u00ebmb\u00ebn e dor\u00ebs majtas-djathtas dhe nuk m\u00eb\np\u00ebrsh\u00ebndeste, por m\u00eb ul\u00ebrinte: \u201c\u00c7iao,\namico, \u00e7iao!\u201d Ai i flakte\nk\u00ebto fjal\u00eb drejt meje si t\u00eb ishin cop\u00ebra balt\u00ebrash. Pastaj, Zot, o Zot, prap\u00eb\nshterpej dhe m\u00eb afrohej sylagur.<\/p>\n\n\n\n

Ec e ec, dallova n\u00eb t\u00eb djatht\u00eb t\u00eb rrug\u00ebs nj\u00eb varrez\u00eb. N\u00ebn drit\u00ebn e h\u00ebn\u00ebs\nvet\u00ebtinte aty-k\u00ebtu mermeri i disa qivur\u00ebve, madj\u00e9 edhe\ndisa buste e statuja. Shp\u00ebrndar\u00eb midis\ntyre\nshquheshin varre t\u00eb vjet\u00ebr t\u00eb l\u00ebna n\u00eb harres\u00eb, me\ngj\u00ebmba\u00e7\u00eb e ferrishte p\u00ebrreth… Ndjeva nj\u00eb far\u00eb\ndrith\u00ebrime. I vet\u00ebm nat\u00ebn, mes asaj heshtjeje, dhe aq pran\u00eb t\u00eb vdekurve! Po pse\nt\u00eb drith\u00ebrohesha prej atyre t\u00eb ngrat\u00ebve? Ata rrinin urt\u00eb atje tek qen\u00eb. As\ntrazonin e as turbullonin, as tallnin k\u00ebnd e as g\u00ebnjenin, as qeshnin, po dhe as qanin. S\u2019dinin t\u00eb vrisnin shpirtra, se ishin vet\u00eb\nshpirtvrar\u00eb. Me k\u00ebto\nn\u00eb mendje, i lash\u00eb varrezat pas, shum\u00eb pas. Kur, m\u00eb ra n\u00eb vesh nj\u00eb utrim\u00eb nga prapa. Ishte e nj\u00eb moto\u00e7iklete. Ktheva kok\u00ebn. Shigjeta e\ndrit\u00ebs s\u00eb fenerit t\u00eb saj m\u00eb mori syt\u00eb. Sapo m\u2019u afrua, ndaloi sakaq.<\/p>\n\n\n\n

– Ku shkon? – m\u00eb pyeti nj\u00eb z\u00eb burri. Dhe si iu p\u00ebrgjigja, shtoi: – Hajde, hip!<\/p>\n\n\n\n

Rrug\u00ebs shk\u00ebmbyem pak fjal\u00eb. I tregova se kisha ardhur nga Tirana n\u00eb Kor\u00e7\u00eb dhe po shkoja te nj\u00eb shok q\u00eb kisha pasur n\u00eb\nfakultet.<\/p>\n\n\n\n

– Te cili?<\/p>\n\n\n\n

–\nTe Viktor Cirka!<\/p>\n\n\n\n

– A,a!<\/p>\n\n\n\n

– E njeh?<\/p>\n\n\n\n

–\nQysh jo! Nga nj\u00eb fshat jemi.\n\u00c7unin e xha Kick\u00ebs t\u00eb mos njoh!<\/p>\n\n\n\n

–\nMos je gj\u00eb agronom?<\/p>\n\n\n\n

Qeshi.<\/p>\n\n\n\n

–\nDallohen agronom\u00ebt nga\nmotor\u00ebt. Ma thon\u00eb emrin Sotir, por Tirk\u00eb m\u00eb ka mbetur qysh kur isha i vog\u00ebl.<\/p>\n\n\n\n

–\nTa g\u00ebzosh!<\/p>\n\n\n\n

–\nFalemnderit! Po ty si t\u00eb quajn\u00eb?<\/p>\n\n\n\n

–\nAstrit!<\/p>\n\n\n\n

–\nE g\u00ebzofsh dhe\nti! Mos t\u00eb th\u00ebrresin p\u00ebr shkurt\nTitk\u00eb?<\/p>\n\n\n\n

–\nJo, jo! – qesha un\u00eb.<\/p>\n\n\n\n

–\nS\u2019e p\u00ebrk\u00ebdhelni shum\u00eb nj\u00ebri-tjetrin ju\nandej, e keni dashurin\u00eb p\u00ebrbrenda!<\/p>\n\n\n\n

– N\u00eb Tiran\u00eb e ke b\u00ebr\u00eb shkoll\u00ebn? – e pyeta Tirk\u00ebn.<\/p>\n\n\n\n

– Jo, n\u00eb Bullgari.<\/p>\n\n\n\n

– Ia kalon mir\u00eb me pun\u00eb?<\/p>\n\n\n\n

– Kalohet keq n\u00eb fshatin t\u00ebnd?<\/p>\n\n\n\n

Motori utrinte, por jo dhe aq fort. Tirka ia kishte ulur gazin.<\/p>\n\n\n\n

– Sa t\u00eb ket\u00eb vajtur ora?<\/p>\n\n\n\n

– \u00c7faaaar\u00eb?<\/p>\n\n\n\n

– Ora, ora!<\/p>\n\n\n\n

– H\u00eb, h\u00eb! Her\u00ebt \u00ebsht\u00eb, rrotull n\u00ebnt\u00ebs. Po\nmos e vrit mendjen! P\u00ebr mikun s\u2019ka\nor\u00eb! Edhe\nmesi i nat\u00ebs \u00ebsht\u00eb si mesi i dit\u00ebs. \u00c7\u2019b\u00ebhesh merak!\nD\u00ebgjove?<\/p>\n\n\n\n

– D\u00ebgjova!<\/p>\n\n\n\n

– P\u00ebr dhjet\u00eb minuta t\u00eb \u00e7oj te porta e Tork\u00ebs. Po m\u00eb p\u00ebrpara do t\u00eb tregoj port\u00ebn time. S\u2019do t\u00eb ishte keq ta kalonim tek un\u00eb sonte, me rastin q\u00eb u poq\u00ebm s\u00e9fte! Miqt\u00eb, dhe sidomos ata t\u00eb larg\u00ebtit, jan\u00eb nderim i madh dhe bereqet\np\u00ebr t\u00eb zotin e sht\u00ebpis\u00eb, g\u00ebzojn\u00eb edhe gur\u00ebt e mureve, forcojn\u00eb truallin dhe themelet, themi ne k\u00ebndej. Po edhe ju andej k\u00ebshtu thoni, e di, shqiptar\u00eb jemi, de! T\u00eb gjith\u00eb nj\u00ebsoj! E, \u00e7\u2019thua? Tek un\u00eb sonte, h\u00eb?<\/p>\n\n\n\n

–\nJo, jo! Falemnderit!<\/p>\n\n\n\n

– H\u00eb, mo, se nuk i mbetet hatri fort atij\nprofesorit! Aty e ke, e gjen dhe nes\u00ebr!<\/p>\n\n\n\n

Heshta.<\/p>\n\n\n\n

– Edhe ti, Titk\u00eb,<\/em> profesor  je?<\/strong><\/p>\n\n\n\n

–\nEeee, mir\u00eb! –\niu p\u00ebrgjigja duke\nqeshur.<\/p>\n\n\n\n

–\nPo a nuk e ke mbaruar fakultetin tok me Tork\u00eb Cirk\u00ebn?<\/p>\n\n\n\n

–\nE pastaj, \u00e7\u00eb? –\nPrap\u00eb qesha. Po edhe ai qeshi, duke tundur kok\u00ebn.<\/p>\n\n\n\n

Di\u00e7 dyshova,\npor nuk i dhash\u00eb t\u00eb kuptonte.\nVazhduam p\u00ebr nj\u00eb koh\u00eb pa\nfolur. Hym\u00eb pas\nca n\u00eb fshat. Dikur Tirka\nu ndal te nj\u00eb sht\u00ebpi n\u00eb t\u00eb\nmajt\u00eb. Goxha sht\u00ebpi, me tulla t\u00eb kuqe e me verand\u00eb, me nj\u00eb\nkopsht t\u00eb punuar p\u00ebrpara e t\u00eb rrethuar me kangjella.<\/p>\n\n\n\n

– Ja, kjo \u00ebsht\u00eb kasollja ime! E ke d\u00ebgjuar at\u00eb k\u00ebng\u00ebn \u201cMoj kasolle, ku na mblodhe!”? Eja, t\u2019ia themi sonte!<\/p>\n\n\n\n

Vura buz\u00ebn n\u00eb gaz.<\/p>\n\n\n\n

– H\u00eb, bre, mos ma prish! E kam me zem\u00ebr!<\/p>\n\n\n\n

– Dhe un\u00eb dua shum\u00eb, po s\u2019mundem! Her\u00eb tjet\u00ebr me\ngjith\u00eb qejf!<\/p>\n\n\n\n

Ai e ndezi prap\u00eb motorin dhe e ktheu te nj\u00eb rrugic\u00eb djathtas. Dol\u00ebm shpejt te nj\u00eb\nshesh i madh me bar. N\u00eb fund\nt\u00eb sheshit – nj\u00eb man. P\u00ebrmes deg\u00ebve t\u00eb manit mezi sa shquhej nj\u00eb godin\u00eb\ndykat\u00ebshe me mur\nguri.<\/p>\n\n\n\n

– Ajo \u00ebsht\u00eb sht\u00ebpia e Tork\u00ebs! –\nm\u00eb tregoi. – Port\u00ebn dhe dritaret i ka nga\nana e pasme. Andej ka edhe kopshtin, oborrin.<\/p>\n\n\n\n

Zbrit\u00ebm ndonja dhjet\u00eb – pes\u00ebmb\u00ebdhjet\u00eb metra m\u00eb tej. Tirka\ni b\u00ebri vend motorit pas nj\u00eb xhipsi dhe u p\u00ebrkul t\u00eb shihte targ\u00ebn.<\/p>\n\n\n\n

– Po ky \u00ebsht\u00eb gazi i shokut Rakip, bre,\ni n\u00ebnkryetarit t\u00eb komitetit ekzekutiv t\u00eb rrethit! –\nm\u00eb tha. – Qenka mik te Cirkajt!<\/p>\n\n\n\n

U preva, po edhe u\ndrodha i t\u00ebri. \u201cPaska mik m\u00eb t\u00eb mir\u00eb e m\u00eb t\u00eb madh se un\u00eb Viktori sonte! –\nmendova. – Prandaj s\u2019erdhi!\u201d<\/p>\n\n\n\n

– Ja, pa d\u00ebgjo! Ia kan\u00eb marr\u00eb k\u00ebng\u00ebs atje brenda, apo m\u00eb\nb\u00ebjn\u00eb vesh\u00ebt?<\/p>\n\n\n\n

– Po, po, k\u00ebng\u00ebs ia kan\u00eb marr\u00eb!<\/p>\n\n\n\n

– E di \u00e7\u2019ke? Eja ikim! E gdhijm\u00eb n\u00eb sht\u00ebpin\u00eb ton\u00eb k\u00ebt\u00eb\nnat\u00eb dhe b\u00ebjm\u00eb rehat! \u00c7\u2019p\u00ebrzihesh me Rakipin! E pi rakin\u00eb ters ai dreq, t\u00eb pjerdh muhabetin!<\/p>\n\n\n\n

Mua m\u00eb rrihte mendja gjetk\u00eb. Di\u00e7ka duhej b\u00ebr\u00eb dhe shpejt, di\u00e7ka q\u00eb t\u00eb m\u00eb\nlante, q\u00eb t\u00eb mos mbetesha\ni fyer, po \u00e7far\u00eb pik\u00ebrisht? I thash\u00eb Tirk\u00ebs i vendosur:<\/p>\n\n\n\n

–\nMori fund! Tek ti do t\u00eb vij,\npor, po deshe, pritm\u00eb pak,\nfare pak, sa t\u2019i b\u00ebj nj\u00eb z\u00eb Viktorit!<\/p>\n\n\n\n

– T\u00eb pres, o, po qysh! Sa t\u00eb duash! Eja t\u00eb t\u00eb d\u00ebftej port\u00ebn, e mua pas m\u00eb ke!<\/p>\n\n\n\n

Trokita. Trokita prap\u00eb.<\/p>\n\n\n\n

–\nJa, ja, tani! –\nm\u2019u p\u00ebrgjigj\u00ebn. Ishte z\u00ebri i plak\u00ebs. Aty p\u00ebr aty, d\u00ebgjova\nzhurm\u00ebn e l\u00ebpjetkave t\u00eb saj, tek afrohej. Ndaloi prapa port\u00ebs dhe pyeti:<\/p>\n\n\n\n

– Cili je, mo?<\/p>\n\n\n\n

– Nj\u00eb jabanxhi jam, nj\u00eb jabanxhi!<\/p>\n\n\n\n

Ajo s\u2019u ndje.<\/p>\n\n\n\n

–\nMore djemka, –\nthirri pas ca, kthyer nga oborri, – pa ejani k\u00ebtu! Se kush \u00ebsht\u00eb e s\u2019e marr vesh \u00e7\u2019thot\u00eb!<\/p>\n\n\n\n

Hapa t\u00eb r\u00ebnd\u00eb trimash u afruan me nxitim. E n\u00ebsa porta u hap, n\u00ebn drit\u00ebn e fenerit q\u00eb mbante nj\u00ebri prej\ntyre n\u00eb dor\u00eb, pash\u00eb faqe meje dy burra\nme\nxhaketa kadife e pantallona doku ngjyr\u00eb mjalti.<\/p>\n\n\n\n

– H\u00eb. byrazer! – foli i pari ai m\u00eb i shkurtri e m\u00eb rrumbullaku. – Demek: – \u201c\u00c7\u2019k\u00ebrkon?\u201d<\/p>\n\n\n\n

– Mir\u00ebmbr\u00ebma! – i thash\u00eb. – Si jeni?<\/p>\n\n\n\n

Plaka rr\u00ebshqiti nga pas tyre, i largoi an\u00ebve e m\u2019u vu p\u00ebrball\u00eb. Ngriti dor\u00ebn si streh\u00eb mbi vetulla dhe p\u00ebrs\u00ebri m\u00eb pyeti:<\/p>\n\n\n\n

–\nCili je ti, mo!?<\/p>\n\n\n\n

Fytyra tani m\u00eb dallohej mir\u00eb, se mbi mua binte e fort\u00eb edhe drita e zjarrit n\u00eb oborr, tek dridhnin nj\u00eb mish n\u00eb hell.<\/p>\n\n\n\n

–\nE di q\u00eb nuk m\u00eb njeh, moj n\u00ebnock\u00eb, – iu p\u00ebrgjigja plak\u00ebs, – si do t\u00eb m\u00eb njoh\u00ebsh, kur vet\u00ebm nj\u00eb her\u00eb m\u00eb ke par\u00eb!<\/p>\n\n\n\n

Asaj sikur iu derdh\nuji i val\u00eb mbi k\u00ebmb\u00ebt.<\/p>\n\n\n\n

– Uh, uh! – ia b\u00ebri. – Po ti qenke shoku i Tork\u00ebs, mo! Urdh\u00ebro, brenda, urdh\u00ebro!<\/p>\n\n\n\n

S\u2019l\u00ebviza vendit. Nga jasht\u00eb pragut ia ktheva:<\/p>\n\n\n\n

– E kishim l\u00ebn\u00eb, ti e di, t\u00eb vinte e t\u00eb m\u00eb merrte Viktori m\u00eb gjasht\u00eb pasdite te \u201cPanda\u201d. Por ai s\u2019erdhi, erdha un\u00eb! K\u00ebt\u00eb pako llokume e kisha bler\u00eb p\u00ebr\nty! \u2013\nvazhdova duke ia zgjatur. Ajo e mori me duar t\u00eb dridhura, e s\u2019po dinte \u00e7\u2019t\u00eb thosh.<\/p>\n\n\n\n

– Jan\u00eb djemkat e mi k\u00ebta! H\u00eb, mo, djemka, l\u00ebvizni! \u00c7\u2019m\u00eb\nrrini si hunj!<\/p>\n\n\n\n

– Vemi lart! – e hapi goj\u00ebn m\u00eb n\u00eb fund ai rumbullaku.<\/p>\n\n\n\n

–\nJo, ju falemnderit! Nuk\nerdha t\u00eb rri. Vet\u00ebm Viktorin desha pak!<\/p>\n\n\n\n

– \u00c7\u2019\u00ebsht\u00eb kjo! – u turbullua plaka.<\/p>\n\n\n\n

– Vet\u00ebm Viktorin! – p\u00ebrs\u00ebrita.<\/p>\n\n\n\n

Dikush e pask\u00ebsh lajm\u00ebruar at\u00eb, sapo kish d\u00ebgjuar se n\u00eb port\u00eb \u00ebsht\u00eb nj\u00eb\nshok i tij! Ai u\nafrua me\nnxitim, se m\u00eb njohu nga larg. Ishte di\u00e7ka krejt e pabesueshme p\u00ebr t\u00eb. Sikur\ni ra qielli n\u00eb kok\u00eb.<\/p>\n\n\n\n

–\nMos u shqet\u00ebso, –\ni thash\u00eb, –\ns\u2019kam ardhur t\u00eb k\u00ebrkoj\nk\u00ebmb\u00eb p\u00ebr gjemb e as t\u00eb ha mish tek ti!<\/p>\n\n\n\n

Nuk u vuri vesh fjal\u00ebve t\u00eb mia. Thirri:<\/p>\n\n\n\n

–\nHyr brenda, mo, \u00e7\u2019pret!<\/p>\n\n\n\n

N\u00ebnqesha.<\/p>\n\n\n\n

–\nU b\u00ebra merak\nse mos kishit p\u00ebsuar gj\u00eb! –\niu p\u00ebrgjigja. –\nTani q\u00eb ju shoh mir\u00eb, ju uroj ta keni gjithnj\u00eb der\u00ebn t\u00eb hapur e me miq! Me miq t\u00eb fort\u00eb, q\u00eb u merr luga uj\u00eb e mund t\u00eb t\u00eb \u00e7ojn\u00eb me pun\u00eb nd\u00eb Kor\u00e7\u00eb!<\/p>\n\n\n\n

–\nDale, mo, t\u00eb t\u00eb shpjegohem, se\nqenke nxehur shum\u00eb! – tha Viktori,<\/p>\n\n\n\n

– Fshati q\u00eb duket, or Tore, s\u2019do kallauz! N\u00ebma dor\u00ebn, se po shkoj!<\/p>\n\n\n\n

– Je n\u00eb vete!? – foli i tronditur, me krah\u00ebt shtrir\u00eb gjysm\u00eb p\u00ebrpara.<\/p>\n\n\n\n

– Nat\u00ebn e mir\u00eb t\u00eb gjith\u00ebve e ju pa\u00e7a sh\u00ebndosh! –\nu thash\u00eb e u ktheva shpin\u00ebn.<\/p>\n\n\n\n

Eca drejt sheshit. Nga pas d\u00ebgjoja ca hapa t\u00eb plog\u00ebt, t\u00eb p\u00ebrhumbur. P\u00ebrpara m\u00eb\nprinte Tirka.\nE arrita.<\/p>\n\n\n\n

– Ikim! – i thash\u00eb.<\/p>\n\n\n\n

– Ikim! – m\u00eb tha. – \u00c7\u2019i dhjet! – Dhe ndezi motorin. K\u00ebrceva mbi ndenj\u00ebse.<\/p>\n\n\n\n

U larguam t\u00eb dy si era, duke l\u00ebn\u00eb pas tymrat e gazrave t\u00eb motorit q\u00eb treteshin shpejt, tymrat\ne gazrave si r\u00e9 pordh\u00ebsh mbi shoq\u00ebrin\u00eb me Tork\u00ebn e Kick\u00ebs.<\/p>\n","protected":false},"excerpt":{"rendered":"

Nga Ramadan Psma\u00e7iu Viktor Cirk\u00ebn e kisha pasur shok n\u00eb fakultet. Madj\u00e9, pat\u00ebm fjetur edhe n\u00eb nj\u00eb dhom\u00eb. V\u00ebrtet atje ishim tremb\u00ebdhjet\u00eb vet\u00eb, por krevati im dhe i atij, ama, qen\u00eb pran\u00eb nj\u00ebri-tjetrit. Ishte vet\u00ebm nj\u00eb vit n\u00ebn mua me mosh\u00eb Viktor Cirka, po nga trupi shum\u00eb m\u00eb i im\u00ebt. Sidomos, kur erdhi s\u00e9fte n\u00eb…<\/p>\n","protected":false},"author":1,"featured_media":9514,"comment_status":"open","ping_status":"open","sticky":false,"template":"","format":"standard","meta":{"footnotes":""},"categories":[8],"tags":[],"class_list":["post-9513","post","type-post","status-publish","format-standard","has-post-thumbnail","hentry","category-proze"],"_links":{"self":[{"href":"https:\/\/revistakuvendi.org\/index.php?rest_route=\/wp\/v2\/posts\/9513","targetHints":{"allow":["GET"]}}],"collection":[{"href":"https:\/\/revistakuvendi.org\/index.php?rest_route=\/wp\/v2\/posts"}],"about":[{"href":"https:\/\/revistakuvendi.org\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/revistakuvendi.org\/index.php?rest_route=\/wp\/v2\/users\/1"}],"replies":[{"embeddable":true,"href":"https:\/\/revistakuvendi.org\/index.php?rest_route=%2Fwp%2Fv2%2Fcomments&post=9513"}],"version-history":[{"count":1,"href":"https:\/\/revistakuvendi.org\/index.php?rest_route=\/wp\/v2\/posts\/9513\/revisions"}],"predecessor-version":[{"id":9515,"href":"https:\/\/revistakuvendi.org\/index.php?rest_route=\/wp\/v2\/posts\/9513\/revisions\/9515"}],"wp:featuredmedia":[{"embeddable":true,"href":"https:\/\/revistakuvendi.org\/index.php?rest_route=\/wp\/v2\/media\/9514"}],"wp:attachment":[{"href":"https:\/\/revistakuvendi.org\/index.php?rest_route=%2Fwp%2Fv2%2Fmedia&parent=9513"}],"wp:term":[{"taxonomy":"category","embeddable":true,"href":"https:\/\/revistakuvendi.org\/index.php?rest_route=%2Fwp%2Fv2%2Fcategories&post=9513"},{"taxonomy":"post_tag","embeddable":true,"href":"https:\/\/revistakuvendi.org\/index.php?rest_route=%2Fwp%2Fv2%2Ftags&post=9513"}],"curies":[{"name":"wp","href":"https:\/\/api.w.org\/{rel}","templated":true}]}}